Na Youtube-kanale «Bejbus» źjavilisia multyvieršy Andreja Skurko «Chto žyvie ŭ haražy»
Usiaho budzie 16 epizodaŭ.
Multvieršy — heta viasiołyja i karotkija paetyčnyja mulciki dla dzietak, stvoranyja dla taho, kab prynosić radaść i raźvivać cikavaść da biełaruskaj movy. Tvory napisany byłym palitviaźniem Andrejem Skurko dla jaho maleńkaha syna Tamašyka, a ciapier adaptavany pad jaskravuju animacyju dla šyrokaj aŭdytoryi.
Z 13 vieraśnia ŭ 20:00 pa Miensku na YouTube-kanale pačaŭsia vypusk sieryi multvieršaŭ Andreja Skurko «Chto žyvie ŭ haražy», zasnavanych na vieršavanaj knižcy pra mašynki i vydadzienaj vydaviectvam «Hutenbierh».
Vas čakajuć historyi pra roznyja žyvyja mašynki i ich vyprabavańni. Usio budzie buksavać i raźlivacca, raskručvacca i advalvacca! Karaciej, budzie viesieła!
Ilustracyi i animacyja naležać mastačcy Volzie Kuźmič. Teksty ahučany na biełaruskaj movie prajektam «Knižny voz», siarod hałasoŭ — Kryścina Drobyš i Aleh Harbuz. Muzyku dla prajekta stvaryła Natalla Bibikava.
Kožnuju piatnicu buduć vychodzić novyja epizody, usiaho ich budzie 16!
Bejbus — biełaruskamoŭnaja zabaŭlalnaja, navučalnaja, raźvićciovaja ličbavaja prastora dla maleńkich harezaŭ i darosłych žeŭžykaŭ.
Unikalny kantent YouTube-kanała i sacsietak prajekta dapamahaje dzieciam i darosłym nie tolki vyvučać biełaruskuju movu z dapamohaj kazak i vieršykaŭ, atrymoŭvać viedy z najcikaviejšych halinaŭ takich, jak mastactva, historyja, kultura, ale i zabaŭlacca.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary