Pa stratnym kursie, navat kali pašancuje. Dzie ŭ Minsku možna abmianiać ekzatyčnuju valutu

«Minsk-Naviny» daviedalisia, čamu tak i hrašovyja znaki jakich krain možna abmianiać u stalicy.

U Minsku praściej za ŭsio abmianiać dalary, jeŭra i rasijskija rubli ŭ abodva baki. Kursy blizkija da kacirovak Nacbanka, valuta dastupnaja. Adnak kali spatrebicca pieravieści abo nabyć bolš ekzatyčnuju valutu, pryjdziecca pabiehać.

Najbolš efiektyŭna ŭ hetym kirunku pracuje «Bank VTB». Abmianiać u jaho adździaleńniach možna 15 vidaŭ valut. Praŭda, heta adnosna lohka tolki pry prodažy zamiežnych hrašovych znakaŭ, a voś kupić ich atrymajecca tolki pry najaŭnaści. 

Hetaja finansavaja ŭstanova prymie, u pryvatnaści, ukrainskija hryŭni. Kurs na momant padrychtoŭki materyjału — 5,57 rubla za sotniu. Tam voźmuć i češskija krony — 11,5 rubla za sotniu, hruzinskija łary — adzin da adnaho.

Apieracyi z tenhie pravodzić «BTA Bank». Heta zrazumieła: zvyš 99% akcyj finansavaj arhanizacyi naležać inviestkampanii z Kazachstana. Kurs abmienu nie asabliva vyhadny: za 1000 daduć 5 rubloŭ, pry tym, što Nacbank aceńvaje ŭ 6,5 rubla.

U svaju čarhu «Biełarusbank» hatovy kupić japonskija jeny i dyrchamy AAE. Tym nie mienš, kali pieršyja zabiaruć pa nizkim, ale pamiarkoŭnym kursie — 1,5 rubla za sotniu (Nacbank ustanaviŭ ciapier vyšej za 2 rubli), to za 10 dyrchamaŭ vam daduć 1 kapiejku.

Heta amal u 900 razoŭ mienš za aficyjny kurs hałoŭnaha finansavaha rehulatara krainy, jaki ličyć, što 10 dyrchamaŭ kaštujuć siońnia 8,93 rubla! Adnak usio zakonna: takija ŭstanovy majuć prava sami ŭstanaŭlivać abmiennyja kursy, aryjentujučysia na popyt i prapanovu.

Abmianiać jeny na rubli i naadvarot možna tolki ŭ dvuch adździaleńniach pa adrasach: pr. Dziaržynskaha, 18, i Niezaležnaści, 11. Dyrchamy tolki ŭ adnym — na vuł. Daŭhabrodskaj, 1.

U apošni čas usio bolš bankaŭ prapanujuć apieracyi pa abmienie kitajskich juaniaŭ i navat układy ŭ ich. Kurs — 4,5 rubla za 10 juaniaŭ pry zdačy i kala 5 rubloŭ za 10, kali nabyvać. Zvyš dziesiaci bankaŭ prapanujuć abmien juania: siarod ich «Biełhazprambank», «Biełahraprambank», «BNB-bank», «Statusbank» i inš. Praŭda apieracyi mahčymyja nie va ŭsich adździaleńniach.

Nu, a što, kali ŭ vas paśla padarožža ŭ Deli zastalisia indyjskija rupii? Ci vy viarnulisia ź Izraila, dzie nie paśpieli abmianiać šekieli na papularniejšuju valutu? Na žal, nivodny ajčynny bank hetyja hrošy nie cikaviać.

Jak varyjant, možna pajechać u Maskvu, dzie takaja kanviersija bolš vierahodnaja, adnak kurs daloki ad idealnaha. Strata — prykładna 15% ad realnaha koštu.

• 0
• 0
• 0
• 0
• 0
• 1
• 0
• 0