Ekanomika33

Ajcišnik paśla 3+ hadoŭ u EPAM staŭ aficyjantam. Pracu ŭ IT tak i nie znajšoŭ

Na čas pošukaŭ pracy ŭ IT ŭziacca za nieajcišnuju padpracoŭku — taki płan siońnia ŭžo nie redkaść. Mikita — sistemny analityk, pracavaŭ u EPAM. Pakul šukaje novuju pracu, padzarablaje aficyjantam u bary ŭ Batumi, piša Devby.io.

«Staŭ adhukacca na ŭsio»

Mikita — sistemny analityk, prapracavaŭ u EPAM 3+ hady. Taksama ŭ jaho jość dośvied pracy ŭ aŭdycie — 2,5 hady. U siaredzinie lipienia Mikita straciŭ pracu — z ajcišnikam nie praciahnuli kantrakt.

Małady čałaviek šukaŭ pracu ŭ śfiery Data/BI-analizu na praciahu 2,5 miesiacaŭ — u Hruzii (u 2022 jany z žonkaj pierajechali ŭ Batumi — kampanija dapamahła) i dystancyjna. Ale pakul niaŭdała.

Statystyka pošuku pracy ŭ Mikity takaja: 128 vodhukaŭ, 82 kampanii, 40% admovaŭ na roznych stadyjach — adrazu paśla padačy, paśla sumoŭja/testavaha zadańnia, 16 sumoŭjaŭ (tut i skryninh, i techničnyja sumoŭi i sełfi-intervju, kali kandydat adkazvaje na pytańni na kamieru praź śpiecyjalnuju płatformu).

Mikita kaža, što praca ŭ niekatorych kampanijach dla jaho niedastupnaja z-za niaviedańnia hruzinskaj — ale «chapaje kampanij, dzie hruzinskuju nieabaviazkova viedać, a taksama kampanij, jakija najmajuć pa B2B-damovie».

Z-za čaho jašče admaŭlajuć: časam Mikitu nie chapaje «dośviedu praviadzieńnia kankretnych pracedur, krytyčnych dla pracadaŭcy (A/B-testy, naprykład). 

— A časam nie chapaje chardaŭ: naprykład, treba bolš dośviedu ŭ peŭnym prahramavańni, dośviedu pracy z kankretnaj bi-sistemaj i h.d.). Tamu paśla mientarynh-prahramy ŭ EPAM ja vučyŭsia jašče i davučvajusia ciapier, — kaža surazmoŭca.

Pošuk pracy ŭ Mikity pryjšoŭsia na leta i vynikaŭ nie daŭ, choć u niejki momant jon «staŭ adhukacca na ŭsie, navat tyja vakansii, jakija tyčacca mianie tolki ŭskosna». I voś praz 2,5 miesiaca ajcišnik staŭ padpracoŭvać aficyjantam u bary — bałazie, jość vopyt u hetaj śfiery».

«Za źmienu atrymlivaju 60 łary (prykładna 20 jeŭra) + čajavyja, jakija dzielacca na ŭvieś piersanał»

— Pracu znajšoŭ praź miascovyja telehram-kanały: napisaŭ u paru ŭstanoŭ, schadziŭ na paračku sumoŭjaŭ, prajšoŭ stažyrovačnuju źmienu — i ciapier pracuju.

Praca niaprostaja: ty ŭvieś čas na nahach — i na praciahu źmieny, byvaje, nie prysiadzieš ni razu i nie pajasi, kali ludziej šmat. 

Zvyčajna ŭ aficyjantaŭ źmienny hrafik pracy, źmieny pa zmaŭčańni doŭžacca pa 12 hadzin, ale ŭ maim vypadku źmiena doŭžycca plus-minus 9 hadzin. Za źmienu ja atrymlivaju 60 łary (prykładna 20 jeŭra) + čajavyja, jakija dzielacca na ŭvieś piersanał kuchni i zały.

U EPAM ja atrymlivaŭ 750 dalaraŭ «brudnymi» — i heta było bolš, čym ciapier.

U čym plusy pracy aficyjantam:

— heta lepš, čym naohuł nie pracavać;

— paśla 2,5 miesiaca bieśpierapynnych pošukaŭ, sumoŭjaŭ, paralelnaha «danavučańnia» hetaja praca daje novyja ŭražańni i niejkuju mahčymaść adciahnucca ad nazapašanaha stresu i prablem;

— ja chutka zmoh uvajści ŭ kurs spravy (nohi i hałava «pamiatajuć», moj ahulny staž pracy ŭ hramadskim charčavańni ŭ studenckija hady i zatym paśla vojska — 5 hadoŭ).

A minusy takija:

— nienarmavanaja nahruzka — ty možaš jak prasiedzieć paŭdnia ŭ čakańni haściej, tak i biehać ceły dzień biez mahčymaści pajeści abo navat prosta prysieści adpačyć;

— uzrovień dachodu značna prasieŭ, bo ja zaraz pracuju ŭ maleńkim bary i čajavyja tam čysta simvaličnyja (nu i zrazumieła, što aficyjant u zvyčajnym razumieńni — čaściakom małakvalifikavany śpiecyjalist;

— usio heta moža bić pa samaacency, ale z hetym ja pakul spraŭlajusia

«Uklučyŭ režym ekanomii — admoviŭsia ad spartovaj siekcyi, skaraciŭ kišennyja vydatki»

— Ci jość u mianie płan, kali pošuk novaj pracy zaciahniecca, — na žal, pa mnie, jon užo zaciahnuŭsia, tamu ja i znajšoŭ časovuju padpracoŭku. Jak alternatyvu mahu razhledzieć vakansii barysta, barmena i navat kliniera. Byli dumki pajści sartavalnikam morapraduktaŭ — ale heta ŭsio vyklučna jak časovaja zaniataść. 

Hruzinskuju movu za čas žyćcia ŭ Hruzii ja, na žal, nie vyvučyŭ. Ale kankretna ŭ Batumi z hetym niama vialikich prablem, kab uładkavacca na pracu. Ciapier ja pracuju ŭ emihranckim bary. 

Spytali ŭ Mikity, kolki štomiesiac jany z žonkaj traciać, žyvučy ŭ Batumi. 

— My arandujem kvateru z adnoj asobnaj spalniaj za $450 (prykładna 50 kv.mietraŭ, moža trochi bolš). Kamunałka — śviatło, vada, haz, internet, pasłuhi pa achovie i ŭborcy doma — u miesiac vychodzić prykładna 120 łary (kala 40 jeŭra). 

Charčavańnie ŭ miesiac na dvaich: kala 1000—1250 łary (prykładna 333-417 jeŭra) u zaležnaści ad kolkaści tydniaŭ u miesiacy. Apłacić telefon — 44,5 łary (heta kala 15 jeŭra), ale heta tolki moj raschod, jaki taryf u žonki, ja nie viedaju. Jašče ŭ nas jość miedstrachoŭka — heta 142 łary ŭ miesiac na dvaich (kala 47 jeŭra).

Časam Mikita siłkujecca na pracy. Ale «kali vialikaja nahruzka na praciahu dnia, to kuchary nie paśpiavajuć pryhatavać abied». 

— Adzin raz ja abiedaŭ a 20:00 viečara, adzin raz jeŭ užo pierad samym zakryćciom. Inšy raz ty prosta idzieš u bułačnuju abo kramu pa susiedstvie.

Mikita kaža, što apošnim časam jon uklučyŭ režym ekanomii — admoviŭsia ad naviedvańnia spartovaj siekcyi i skaraciŭ kišennyja vydatki.

Daktaroŭ ciapier naviedvaje tolki ŭ vypadku krajniaj nieabchodnaści («heta značyć umoŭnaje vydaleńnie zuboŭ mudraści pieranosicca na niavyznačany termin i da taho padobnaje»).

Nu i takaja opcyja, jak adpačynak, a taksama padarožža pakul Mikitu nie dastupnyja — pryčym nie tolki za miežami Hruzii, ale i ŭnutry krainy.

Kamientary3

  • Acab
    17.09.2024
    Zaraz padłukašenki nabiahuć rahatać z čałavieka. Heta staraja pieśnia, skihleńnie pra dacentaŭ jakija ŭ 90-yja miali vulicy.
    Ale ž napraŭdu čałaviek dastasavaŭsia da patrebaŭ ludziej i pracuje tam, dzie najbolš ŭ momancie znajšoŭ dać karyści.
    Kali kazać pra volnaje hramadztva (nie niejkija tam biełarusi, ŭkrainy ci rasiei, jakija staliny z panamarenkami rysavali levymi piatami na mapach, a rabyničaŭ prymacavanych da kałhasaŭ vyškalili hanarova zvacca biełarusami, ŭkraincami i rasiejcami), to bok niehvałtoŭnych ludzkich ŭzajemadziejańniach, pieršaj prykmietaj takoha hramadztva budzie vychad byłych ŭžo parazytaŭ, ŭsich hetych biahuch, bijatlanich, muzejnikaŭ, supracoŭnikaŭ an besesery i ehu, žurnalistaŭ, česnych i pseŭdaniezaležnych, muzejnikaŭ, kupałaŭcaŭ i ruskateatraŭcaŭ na sapraŭdnyja pracy. Pieršym časam kielnerami i dastaŭnikami ježy.
    A voś kali Były Pałpałyč vyžanie z budynku śledčy kamitet i zrobić tam muzej historyi, heta była b prykmieta niesvabodnaha hramadztva. Zrešty, Były Pałpałyč, jak by i razdźmuŭsia da Hałoŭnaha Načalnika, nikudy toj śledčy kamitet nia vyžaniaćmie
  • .
    17.09.2024
    Sistiemnyj analitik kod nie pišiet. On rasskazyvajet kodieram, čto i kak pisať. Jeśli jazyka nie znaješ, kak možno rasskazať? A doma on był pri diele biessporno.
  • Art
    11.10.2024
    Acab, takoj fhni napisał,
    nadiejuś ty nie prohrammist, pišieš mnoho - smysła mało.
    ty znaješ čto takoje riefaktorinh ?

Ciapier čytajuć

Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy13

Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy

Usie naviny →
Usie naviny

Pjany kiroŭca-biełarus u Polščy źbiŭ dźviuch žančyn i ŭciok ź miesca zdareńnia3

Boty pad Cichanoŭskim źmianili taktyku20

«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy37

Z 7-ha paviercha internata homielskaha VNU ŭpaŭ student-druhakurśnik1

U Azierbajdžanie pakazali, jak zatrymlivali kiraŭnikoŭ miascovaha filijała rasijskaha «Sputnika» VIDEA9

Na Viciebščynie viecier abiastočyŭ 39 nasielenych punktaŭ

Ukraina pačała vyrablać novyja bajavyja robaty «Muraški»2

Izrail upieršyniu surjozna razhladaje mahčymaść zaklučeńnia miru ź Siryjaj i Livanam

Na poli pad Žodzinam znajšli hory vykinutaj aharodniny FOTAFAKT4

bolš čytanych navin
bolš łajkanych navin

Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy13

Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy

Hałoŭnaje
Usie naviny →

Zaŭvaha:

 

 

 

 

Zakryć Paviedamić