Acanić straty składana: ni toj, ni druhi bok nie publikujuć aficyjnych źviestak.
Kolkaść zabitych i paranienych padčas rasijska-ŭkrainskaj vajny dasiahnuła miljona čałaviek, piša «Mieduza» sa spasyłkaj The Wall Street Journal, jakaja ŭ svaju čarhu abapirajecca na ŭkrainskija krynicy i źviestki zachodniaj raźviedki.
Pavodle ŭkrainskich acenak, va USU kolkaść zahinułych skłała 80 tysiač vajskoŭcaŭ, a paranienych — 400 tysiač. Źviestki pra straty rasijskaj armii adroźnivajucca; pavodle niekatorych acenak, kolkaść zahinułych vajskoŭcaŭ dasiahaje 200 tysiač čałaviek, paranienych — taksama blizu 400 tysiač. Vydańnie asobna adznačaje, što acanić straty składana: ni toj, ni druhi bok nie publikujuć aficyjnych źviestak.
The Wall Street Journal nazyvaje vialikuju kolkaść strat prablemaj dla Rasii, ale adznačaje, što prykładna tyja ž ličby z ukrainskaha boku pryvodziać da značna bolšaj škody ŭ siłu taho, što nasielnictva Ukrainy ŭ razy mienšaje.
Akramia taho, jak piša WSJ, vialikija straty buduć mieć doŭhaterminovyja nastupstvy dla abiedźviuch krain, jakija da pačatku vajny zmahalisia sa skaračeńniem nasielnictva, źviazanym hałoŭnym čynam z ekanamičnymi i sacyjalnymi ŭzrušeńniami.
U Rasii padlik strat viaduć «Miedyjazona» i Ruskaja słužba Bi-bi-si, jakija źbirajuć infarmacyju ab zahinułych pa adkrytych krynicach. Pavodle apošnich źviestak, kolkaść zahinułych rasijskich vajskoŭcaŭ amal dasiahnuła 70 tysiač čałaviek. Pry hetym realnyja ličby, jak nieadnarazova adznačali žurnalisty, mohuć być u dva-try razy vyšejšyja, pakolki ŭ adkrytych krynicach jość daloka nie ŭsia infarmacyja ab zahinułych.
Pa sumiesnaj acency «Mieduzy» i «Miedyjazony» na lipień 2024 hoda, zasnavanaj na dadzienych rejestra spadčynnych spraŭ, z 2022 hoda va Ukrainie zahinuli nie mienš za 120 tysiač rasijskich vajskoŭcaŭ.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie99
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie9
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary