Sałaŭjoŭ śćviardžaje, što za vybuchi pejdžaraŭ u Livanie adkazny izrailski ahient «Machšyr Kiešer». Rahoča ŭvieś internet
Sałaŭjoŭ nie pravieryŭ, što hetaje słova aznačaje na iŭrycie.
Viadomy rasijski prapahandyst Uładzimir Sałaŭjoŭ, apisvajučy masavy vybuch pejdžaraŭ bajevikoŭ «Chiezbały» ŭ Livanie, zajaviŭ sa spasyłkaj «na miascovyja ŚMI», što za atakaj moža stajać ahient śpiecsłužb Izraila Machšyr Kiešer.
I ŭsio b ničoha, ale Sałaŭjoŭ tym samym užo druhi raz traplaje ŭ śmiešny kazus, kali nie praviaraje značeńnie słovaŭ pierad publikacyjami ŭ aficyjny kanał. Słovy «Machšyr Kiešer» (na iŭrycie מכשיר קשר) dasłoŭna aznačajuć «srodak suviazi» ci prosta «racyja».
U minuły raz u mai 2024 hoda Sałaŭjoŭ taksama vychodziŭ na publiku ź siensacyjaj: byccam za krušeńniem viertalota z prezidentam Irana staić izrailski ahient «Eli Kopter». Ale nasamreč heta byŭ mocna raspaŭsiudžany na toj momant u izrailskich sacsietkach miem, jaki ŭjaŭlaŭ saboj transkrypcyju anhlijskaj nazvy viertalota — hielikopter (helicopter).
Žart, jaki vyjšaŭ z-pad kantrolu, dajšoŭ tady da aficyjnaha telehram-kanała CHAMAS, jaki potym pryvioŭ jaho jak fakt, a rasijskaja prapahanda padchapiła. Ciapier historyja paŭtarajecca iznoŭ.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy48
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1414
Kamientary