Žychara Kiraŭska druhi raz za hod sudziać pa palityčnym artykule. Raniej kazali, što jon «chacieŭ sarvać vybary»
Ale ciapier Juryja Avierkava sudziać zusim za inšaje.
Juryju Avierkavu 53 hady. Jon naradziŭsia ŭ Kazachstanie, u horadzie Kakšetaŭ. Apošnija 25 hadoŭ žyŭ u Kiraŭsku Mahiloŭskaj vobłaści. Juryj zajmaŭsia ŭstanoŭkaj dźviarej.
Jaho zatrymali ŭ lutym 2024 hoda, napiaredadni vybaraŭ u parłamient. U videa siłavikoŭ jamu zakidali, što jon «źbiraŭsia sačyć za členami vybarkamaŭ», a taksama «źviazvaŭsia z pradstaŭnikami płana «Pieramoha» i Biełpoła». Paśla zatrymańnia, 23 lutaha, jon atrymaŭ administratyŭku za «prapahandu ci publičnaje demanstravańnie nacysckaj simvoliki i atrybutyki».
Nastupny raz Juryja sudzili 11 červienia 2024 hoda, užo pa kryminalnym artykule. Abvinavačvali jaho ŭ «abrazie pradstaŭnika ŭłady» (č. 1 art. 369 KK) — padobna, za kamientary ŭ telehramie. 13 žniŭnia prysud ustupiŭ u siłu — najchutčej, heta pazbaŭleńnie voli. Sudziŭ Avierkava staršynia suda Kiraŭskaha rajona Aleh Dudal.
30 vieraśnia ŭ Mahiloŭskim abłasnym sudzie pačniecca jašče adzin sud nad palitviaźniem. Jaho abvinavačvajuć pa dvuch artykułach — «navučańnie ci inšaja padrychtoŭka asobaŭ da ŭdziełu ŭ masavych biesparadkach» (č. 3 art. 293 KK) i «raspalvańnie varožaści ci varažniečy» (č. 1 art. 130 KK). Sutnaść abvinavačańnia nieviadomaja.
Juryju pahražaje da troch hadoŭ kałonii. Sudździa — Iryna Łančava.
«Naša Niva» — bastyjon biełaruščyny
PADTRYMAĆ
Kamientary