Ramzan Kadyraŭ praciahnuŭ sieryjał pra Tesla Cybertruck z kulamiotam ad Iłana Maska
U pačatku žniŭnia Kadyraŭ apublikavaŭ videa, na jakim pakazaŭ, jak katajecca na Tesla Cybertruck z kulamiotam na dachu. Jon vysoka acaniŭ aŭtamabil i dadaŭ, što ciapier jaho adpraviać na vajnu va Ukrainu, padziakavaŭšy asabista Masku za hety «padarunak». Ciapier ža hety sieryjał praciahvajecca.
Hetym razam Ramzan Kadyraŭ paviedamiŭ, što aŭtamabil nibyta ŭžo nie pracuje:
«Mašyna vydatna spraŭlałasia z bajavymi zadačami. Demanstravała manieŭranaść i dobruju abaronu ekipaža. I voś niadaŭna Mask dystancyjna adklučyŭ kibiertrak. Heta nie pa-mužčynsku. Daviałosia adbuksiravać žaleznaha kania. Nu jak tak, Iłon? Chiba tak robicca?» — napisaŭ Kadyraŭ.
Iłon Mask raniej abviarhaŭ śćviardžeńni ab tym, što jon nibyta pieradaŭ Kadyravu Tesla Cybertruck.
«Ty surjozna nastolki adstały, što dumaješ, byccam ja padaryŭ Cybertruck rasijskamu hienierału? Heta nievierahodna», — rezka adkazaŭ jon u sacsietcy X amierykanskamu žurnalistu, jaki jamu pra heta skazaŭ. Paśla hetaha Mask zhienieravaŭ u čat-bocie Kadyrava za rulom Cybertruck, jaki katajecca vakoł Kramla.
Apošnim časam chodziać čutki, što zdaroŭje Ramzana Kadyrava vielmi pachisnułasia. U mai «Novaja hazieta Jeŭropa» apublikavała rasśledavańnie pra surjoznuju chvarobu Kadyrava. Pavodle vydańnia, «stan zdaroŭja 47-hadovaha Ramzana Kadyrava nie pakidaje nadziej na jaho vylačeńnie». U tym liku i kab raźviejać hetyja čutki, Kadyraŭ imkniecca jak maha čaściej źviartać na siabie ŭvahu, jak i ŭ minułyja časy, roznymi ekscentryčnymi vychadkami.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary