Adpaviedny rolik kiraŭnik Čačni sam raźmiaściŭ u svaim telehram-kanale.
Na videa Kadyraŭ na matacykle minskaj vytvorčaści vozić mera Hroznaha Chas-Mahamieda Kadyrava, jaki adnačasova źjaŭlajecca i jahonym svajakom, pa vulicach horada, nachvalvajučy Hrozny na ŭsie łady.
Matacykł dla pajezdki Kadyravu nibyta «padaryli našy siabry ź Biełarusi».
Miesiac tamu padobnuju kłaŭnadu Kadyraŭ ładziŭ z kibiertrakam Tesla z kulamiotam na im. Pry hetym, pa jaho słovach, kibiertrak jamu nibyta padaryŭ sam Iłan Mask, što sam pradprymalnik paśla rezka abvierhnuŭ.
Apošnim časam chodziać čutki, što zdaroŭje Ramzana Kadyrava vielmi pachisnułasia. U mai «Novaja hazieta Jeŭropa» apublikavała rasśledavańnie pra surjoznuju chvarobu Kadyrava. Pavodle vydańnia, «stan zdaroŭja 47-hadovaha Ramzana Kadyrava nie pakidaje nadziej na jaho vylačeńnie». U tym liku i kab raźviejać hetyja čutki, Kadyraŭ imkniecca jak maha čaściej źviartać na siabie ŭvahu, jak i ŭ minułyja časy, roznymi ekscentryčnymi vychadkami.
Dočki Kadyrava lotali ŭ Jeŭropu pa pašpartach na inšaje proźvišča
16-hadovy syn kiraŭnika Čačni Adam Kadyraŭ atrymaŭ najvyšejšuju ŭznaharodu respubliki — orden imia Kadyrava
Mask adchryściŭsia ad taho, što daryŭ kibiertrak Kadyravu
«Iłan Mask, don, budzie zadavoleny». Pakul kadyraŭcy vajujuć na Kurščynie, sam Kadyraŭ ładzić kłaŭnadu ŭ Čačni
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary