Свет11

Рамзан Кадыраў працягнуў серыял пра Tesla Cybertruck з кулямётам ад Ілана Маска

У пачатку жніўня Кадыраў апублікаваў відэа, на якім паказаў, як катаецца на Tesla Cybertruck з кулямётам на даху. Ён высока ацаніў аўтамабіль і дадаў, што цяпер яго адправяць на вайну ва Украіну, падзякаваўшы асабіста Маску за гэты «падарунак». Цяпер жа гэты серыял працягваецца.

Гэтым разам Рамзан Кадыраў паведаміў, што аўтамабіль нібыта ўжо не працуе:

«Машына выдатна спраўлялася з баявымі задачамі. Дэманстравала манеўранасць і добрую абарону экіпажа. І вось нядаўна Маск дыстанцыйна адключыў кібертрак. Гэта не па-мужчынску. Давялося адбуксіраваць жалезнага каня. Ну як так, Ілон? Хіба так робіцца?» — напісаў Кадыраў.

Ілон Маск раней абвяргаў сцвярджэнні аб тым, што ён нібыта перадаў Кадыраву Tesla Cybertruck.

«Ты сур'ёзна настолькі адсталы, што думаеш, быццам я падарыў Cybertruck расійскаму генералу? Гэта неверагодна», — рэзка адказаў ён у сацсетцы X амерыканскаму журналісту, які яму пра гэта сказаў. Пасля гэтага Маск згенераваў у чат-боце Кадырава за рулём Cybertruck, які катаецца вакол Крамля.

Апошнім часам ходзяць чуткі, што здароўе Рамзана Кадырава вельмі пахіснулася. У маі «Новая газета Еўропа» апублікавала расследаванне пра сурʼёзную хваробу Кадырава. Паводле выдання, «стан здароўя 47-гадовага Рамзана Кадырава не пакідае надзей на яго вылячэнне». У тым ліку і каб развеяць гэтыя чуткі, Кадыраў імкнецца як мага часцей звяртаць на сябе ўвагу, як і ў мінулыя часы, рознымі эксцэнтрычнымі выхадкамі.

Каментары1

  • Ёсік
    19.09.2024
    Калі маеш неабмежаваную ўладу. А я чуў, што дырэктар саўгаса раней таксама любіў трэшака выдаць. І ў лазьні, і з баянам, і з гарэлкай.

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Усе навіны →
Усе навіны

Святлана Алексіевіч расказала, якую кнігу выпусціць наступнай. Яна не пра каханне, як планавалася раней23

Лукашэнка расказаў, што карова павінна стаяць у палацы і кожнаму неабходна «хоць па дзве баразёнкі» бульбы пасадзіць20

У Кіеве ўжо каля 100 пацярпелых падчас начнога ўдару1

Ізраіль забіў і новага кіраўніка Генштаба арміі Ірана. Ён займаў пасаду пару дзён7

У Мінску знікла пенсіянерка. Аказалася, што яна па просьбе «следчых» стала кур’ерам махляроў 

Якія банкі гатовы ўзяць у вас не самыя ідэальныя купюры

Што цяпер з архівам КДБ аб рэпрэсіях у БССР, які змаглі здабыць былыя сілавікі? Калі яго апублічаць?51

Беларускі піяніст узяў адразу тры прызы на конкурсе ў Валенсіі

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі32

больш чытаных навін
больш лайканых навін

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў

Галоўнае
Усе навіны →

Заўвага:

 

 

 

 

Закрыць Паведаміць