«Čarhovaje śviedčańnie padtrymki zachopnickaj vajny». MZS Ukrainy aburyłasia sustrečaj Łukašenki z Pušylinym
MZS Ukrainy apublikavała zajavu nakont sustrečy Alaksandra Łukašenki z pradstaŭnikom rasijskaj akupacyjnaj administracyi Dzianisam Pušylinym.
Ministerstva zamiežnych spraŭ Ukrainy rašuča asudziła «čarhovuju prajavu pahardy Respubliki Biełaruś da suvierenitetu i terytaryjalnaj cełasnaści Ukrainy» — praviadzieńnie aficyjnaj sustrečy Alaksandra Łukašenki z pradstaŭnikom rasijskaj akupacyjnaj ułady Dzianisam Pušylinym.
@nashaniva Ukraincy ŭ šalenstvie ad hetaj sustrečy #biełaruś #našaniva #vybory #łukašienko #zabaťku #minsk #iabaťka ♬ Crime Scene - Avery Alexander
«Hetaja sustreča źjaŭlajecca jašče adnym paćviardžeńniem, što pazicyja ciapierašnich uładaŭ Biełarusi adnosna suvierenitetu i terytaryjalnaj cełasnaści Ukrainy pradyktavanaja vyklučna ŭkazańniami Kramla i nie maje ničoha ahulnaha ni ź mižnarodnym pravam, ni ź mižnarodnymi abaviazacielstvami Respubliki Biełaruś», — havorycca ŭ zajavie.
Rytoryku Alaksandra Łukašenki adnosna supracoŭnictva z časova akupavanymi terytoryjami MZS Ukrainy nazyvaje kryvadušnaj i ličyć jaje «čarhovym śviedčańniem padtrymki zachopnickaj vajny».
«Zaklikajem biełaruski narod uśviadomić, što na fonie nieadnarazovych kantaktaŭ słužbovych asob Biełarusi z rasijskimi maryjanietkami z našych časova akupavanych terytoryj pastajannyja zajavy Alaksandra Łukašenki ab jaho «ciopłych pačućciach» da «braterskaha ŭkrainskaha narodu» hučać jak naśmieška, a jaho praktyčnyja dziejańni rujnujuć pryncypy dobrasusiedstva i ŭzajemnaj pavahi, na jakich budavalisia adnosiny pamiž ukrainskim i biełaruskim narodami», — dadaje MZS.
Dziejańni palityčnaha kiraŭnictva Biełarusi buduć mieć niehatyŭnyja nastupstvy dla ŭkrainska-biełaruskich adnosin, papiaredžvaje MZS Ukrainy.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary
Eto žie nado było tak umudriťsia, čtoby, za 30 let, Niezavisimoje Hosudarstvo Biełarusov priviesti k urovniu Donbabvie i Łuhandonii, kotoryje postrojennyje Rośsijej v Ukrainie.
Na miestie Niezavisimoj Biełarusi - postrojen skotnyj dvor łukašienok na zadvorkach russkoho mira Rośsii, v kotorom naprroċ otsutstvujet subjektnosť.
Sustreńciesia narešcie ź Cichanoŭskaj, narod jaje vybraŭ u 2020-m jak svajho pradstaŭnika.
Nieviadoma, na što dahetul spadziavajeciesia z Łukašenkaj. Adna maryjanietka-samadur na padkantrolnych Rasiei terytoryjach sustrełasia z druhoj maryjanietkaj z takich ža terytoryj.