Lidar «Chiezbały» pierastaŭ vychodzić na suviaź paśla izrailskich udaraŭ pa Livanie
Suviaź ź lidaram šyickaj hrupoŭki «Chiezbała» Chasanam Nasrała stračanaja paśla ŭdaraŭ Izraila viečaram pa paŭdniovych pryharadach Biejruta, paviedamlaje Reuters sa spasyłkaj na krynicu, blizkuju da hrupy.
Izrail nazvaŭ svajoj metaj štab-kvateru «Chiezbały». Na momant ataki Nasrała i niekatoryja jaho pamočniki znachodzilisia ŭ livanskaj stalicy. The Wall Street Journal piša, što niama suviazi i z šeraham vysokapastaŭlenych čalcoŭ hrupoŭki.
Razam z tym raniej paviedamlałasia, što Nasrała žyvy. Iranskaje ahienctva Tasnim pisała, što jon u biaśpiečnym miescy. «Chiezbała» dahetul nie rabiła jakich-niebudź zajavaŭ pra jahony los.
Razam z tym, izrailskija ŚMI paviedamili pra hibiel dački Chasana Nasrały Ziejnab. Pavodle źviestak žurnalistaŭ jaje cieła było znojdziena pad abłomkami kamandnaha centra, pa jakim udaryli izrailskija vajskoŭcy.
Izrail nanios udar pa Biejrucie ŭviečary 27 vieraśnia, livanskija ŭłady paviedamili pra šeść zahinułych i dziasiatki paciarpiełych.
Praź niekalki hadzin pradstaŭnik armii abarony CACHAŁ papiaredziŭ ab novych napadach pa abjektach «Chiezbały», raźmieščanych pad damami ŭ paŭdniovych pryharadach, i zaklikaŭ žycharoŭ šerahu rajonaŭ terminova evakujavacca.
Izrailskija vajskoŭcy paviedamili, što likvidavali niekalki kamandziraŭ, u tym liku kiraŭnika rakietnaha padraździaleńnia Muchamieda Ali Ismaiła.
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
Eto navierno Izrailu RAZRIEŠILI strielať dalnobojnymi rakietami