Łukašenka: My nie źbirajemsia vajavać z ukraincami. I jany nie chočuć z nami vajavać
Palityk padčas vizitu na Pinščynu pasprabavaŭ zapeŭnić miascovych žycharoŭ, što jon nie źbirajecca vajavać z Ukrainaj.
Łukašenka, vystupajučy ŭ ahraharadku Parachonsk, zajaviŭ, što choča mirna suisnavać z Ukrainaj. Vajnu jon nazvaŭ katastrofaj i nie ŭpieršyniu pryznaŭ, što ŭkraincy nie chočuć vajavać ź Biełaruśsiu, piša BiełTA.
«My robim usio ŭ adkaz. My nikoli nie inicyjavali nijakaha supraćstajańnia. Ni ŭ jakim razie. Nam heta nie treba. Što takoje vajna? Heta katastrofa.
Vy nie chvalujciesia, my nie źbirajemsia vajavać z ukraincami. I jany nie chočuć z nami vajavać. My budziem rabić usio, kab suisnavać z Ukrainaj mirna. Kali jany hetaha chočuć. Narod hetaha choča», — zajaviŭ Łukašenka.
U dadatak, jon paŭtaryŭ tezis, jaki napiaredadni čarhovych vybaraŭ aktyŭna pastulujecca aficyjnymi ŚMI i prapahandystami: maŭlaŭ, mienavita jon utrymlivaje Biełaruś ad ustupleńnia ŭ vajnu.
«Treba razumieć, što my znachodzimsia na froncie: zusim pobač, za płotam, idzie vajna. Maja hałoŭnaja zadača — nie dapuścić uciahvańnia ŭ hetuju bojku, u hetuju vajnu Biełarusi», — skazaŭ Łukašenka.
Jon pa sutnaści paŭtaryŭ tezisy, jakija ahučyŭ u kancy vieraśnia padčas pakazalnych vučeńniaŭ na Abuz-Lasnoŭskim palihonie. Tady Łukašenka zajaviŭ, što da vajny rychtavacca treba, ale pry hetym vajavać jon nie źbirajecca, i tendencyj da raźviazvańnia vajny suprać Biełarusi jon nie bačyć.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary