Maštabny fiestyval ahniu ŭpieršyniu projdzie ŭ Bataničnym sadzie Minska
Fiestyval ahniu «Fieniks» projdzie ŭ Centralnym bataničnym sadzie NAN Biełarusi z 25 pa 27 kastryčnika. Pra heta arhanizatary śviata paviedamili Blizko.by.
Takoje maštabnaje ahniavoje šou Bataničny sad prymie ŭpieršyniu. Hledačam abiacajuć nasyčanuju prahramu: vosieńskija fotazony, bary ź ciopłymi siezonnymi napojami, tematyčnyja łakacyi z roznymi aktyŭnaściami, markiet ramieśnikaŭ z vyrabami ručnoj raboty.
Padsiłkavacca možna budzie na fud-korcie, a dla dziaciej rychtujuć vialikuju asobnuju placoŭku ź biaspłatnymi zabavami. Akramia taho, kožny viečar na hałoŭnaj scenie buduć žyvymi vystupami radavać muzyčnyja kalektyvy.
Samym jarkim momantam fiestyvalu, biezumoŭna, stanie hrandyjoznaje ahniavoje šou, na jakim vystupiać lepšyja fajer-kamandy z roznych kutkoŭ krainy.
Haściej čakajuć u Bataničnym sadzie 25, 26 i 27 kastryčnika z 17:00 da 22:00. Kvitki ŭžo ŭ prodažy na sajcie bezkassira.by i ŭ kasach ustanovy.
Kamientary