Taksama iduć prajektnyja raboty pa rekanstrukcyi Pałaca Stefana Batoryja.
U ścienach zamka XVI stahodździa, u Pałacy Batoryja, była znojdziena ściana XIV stahodździa časoŭ Vitaŭta, paviedamiła načalnik upraŭleńnia kultury Hrodzienskaha abłvykankama Alena Klimovič, piša Newgrodno.by.
Pa jaje słovach, siońnia ciažka ŭjavić Hrodna biez abnoŭlenaha Staroha zamka na ŭzhorku, jaki ŭžo staŭ vizitnaj kartkaj horada.
Načalnik upraŭleńnia kultury taksama pryznała, što prajekt adnaŭleńnia zamka vyklikaŭ dyskusii, ale čynoŭnikam udałosia atrymać uchvału ŭ Minkulcie
«I siońnia my majem pieršuju čarhu rekanstrukcyi Staroha zamka ŭ dziejańni.
Jana dadała, što iduć prajektnyja raboty pa rekanstrukcyi Pałaca Stefana Batoryja. U hetym pracesie, jak i ź pieršaj čarhoj rekanstrukcyi, udzielničaje instytut «Hrodnahramadzianprajekt». Prajektavańnie druhoj čarhi rabot znachodzicca na zaviaršalnym etapie.
Padčas padrychtoŭčych rabot pravodziŭsia zandaž ścien, a taksama pravodzilisia naturnyja raboty. Pry hetym udałosia znajści abjekty XIV-XV stahodździaŭ, jakija buduć muziejefikavany.
«Naprykład, unutry zamkavych ścien XVI stahodździa (u hety čas jon pierabudoŭvaŭsia) znachodzicca ściana časoŭ Vitaŭta XIV stahodździa. Jaje vyjavili padčas naturnych daśledavańniaŭ, i jana budzie ekspanavacca jak važny histaryčny i architekturny elemient», — adznačyła Alena Klimovič.
Raniej NewGrodno.by paviedamlała, što na rekanstrukcyju Pałaca Batoryja, prajekt jakoj padvierhsia krytycy historykaŭ, płanujecca vydatkavać 80 miljonaŭ rubloŭ.
Sprečnaja rekanstrukcyja pieršaj čarhi ŭ Starym zamku ŭ svoj čas kaštavała 28 miljonaŭ rubloŭ. Pry hetym była pabudavana Kamianica, jakoj nie było ŭ zamku, zatoje demantavali dla jaje budaŭnictva kamiennuju mastavuju časoŭ Vialikaha kniazia Vitaŭta.
Ciapier da Pałaca Stefana Batoryja moža być prybudavany masiŭny ryzalit, praduhledžany prajektam, raspracavanym architektaram Bačkovym. Praŭda, archieałahičnyja daśledavańni abvierhli jaho isnavańnie.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary