Таксама ідуць праектныя работы па рэканструкцыі Палаца Стэфана Баторыя.
У сценах замка XVI стагоддзя, у Палацы Баторыя, была знойдзена сцяна XIV стагоддзя часоў Вітаўта, паведаміла начальнік упраўлення культуры Гродзенскага аблвыканкама Алена Клімовіч, піша Newgrodno.by.
Па яе словах, сёння цяжка ўявіць Гродна без абноўленага Старога замка на ўзгорку, які ўжо стаў візітнай карткай горада.
Начальнік упраўлення культуры таксама прызнала, што праект аднаўлення замка выклікаў дыскусіі, але чыноўнікам удалося атрымаць ухвалу ў Мінкульце
«І сёння мы маем першую чаргу рэканструкцыі Старога замка ў дзеянні.
Яна дадала, што ідуць праектныя работы па рэканструкцыі Палаца Стэфана Баторыя. У гэтым працэсе, як і з першай чаргой рэканструкцыі, удзельнічае інстытут «Гроднаграмадзянпраект». Праектаванне другой чаргі работ знаходзіцца на завяршальным этапе.
Падчас падрыхтоўчых работ праводзіўся зандаж сцен, а таксама праводзіліся натурныя работы. Пры гэтым удалося знайсці аб'екты XIV-XV стагоддзяў, якія будуць музеефікаваны.
«Напрыклад, унутры замкавых сцен XVI стагоддзя (у гэты час ён перабудоўваўся) знаходзіцца сцяна часоў Вітаўта XIV стагоддзя. Яе выявілі падчас натурных даследаванняў, і яна будзе экспанавацца як важны гістарычны і архітэктурны элемент», — адзначыла Алена Клімовіч.
Раней NewGrodno.by паведамляла, што на рэканструкцыю Палаца Баторыя, праект якой падвергся крытыцы гісторыкаў, плануецца выдаткаваць 80 мільёнаў рублёў.
Спрэчная рэканструкцыя першай чаргі ў Старым замку ў свой час каштавала 28 мільёнаў рублёў. Пры гэтым была пабудавана Камяніца, якой не было ў замку, затое дэмантавалі для яе будаўніцтва каменную маставую часоў Вялікага князя Вітаўта.
Цяпер да Палаца Стэфана Баторыя можа быць прыбудаваны масіўны рызаліт, прадугледжаны праектам, распрацаваным архітэктарам Бачковым. Праўда, археалагічныя даследаванні абверглі яго існаванне.
Цяпер чытаюць
Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам27
Каментары