Śviet

Zialenski ŭpieršyniu pahavaryŭ z premjeram Słavakii

Zialenski spadziajecca, što Robiert Fica zrazumieŭ sens jaho pasłańnia, inakš potym vajna «prymusić zrazumieć».

Prezident Ukrainy Uładzimir Zialenski ciśnie ruku premjeru Słavakii Robiertu Fica, ź jakim sustrakajecca ŭpieršyniu na samicie ES u Bruseli. Fota: Omar Havana / AP

Jak paviedamlaje «Jeŭrapiejskaja praŭda», prezident Ukrainy Uładzimir Zialenski raspavioŭ, što ŭpieršyniu pahavaryŭ z premjer-ministram Słavakii Robiertam Fica padčas samitu Jeŭrasajuza ŭ Brusieli.

Zialenski adznačyŭ, što šmat što skazaŭ Fica i što detali hetaj razmovy zastanucca «pamiž imi».

«Ja siońnia šmat što skazaŭ spadaru Fica. Dumaju, dla nas važna padtrymlivać narmalnyja adnosiny pamiž krainami. Jaho kraina nie vajuje — dziakuj Bohu, i ja žadaju jaho narodu miru, kab jany nikoli nie daviedalisia, što Pucin moža da ich prynieści. Heta dobra, što jon hetaha nie adčuvaje. Ale jon pavinien nas padtrymlivać, inakš jamu daviadziecca heta zrazumieć, bo Pucin nikoli nie spynicca, kali jaho nie pieramahčy», — skazaŭ Uładzimir Zialenski.

Učora pierad samitam Fica zajaviŭ, što Słavakija padtrymaje luby mirny płan, nakiravany na vyrašeńnie kanfliktu va Ukrainie, a sam jon vystupaje za terytaryjalnuju cełasnaść Ukrainy i navat za mahčymaje ŭstupleńnie ŭ NATA, ale padkreśliŭ, što hetaje zaprašeńnie nie budzie «biaspłatnym».

Pavodle jaho słoŭ, nieabchodna zabycca, što rasijanie pakinuć Krym i inšyja terytoryi, naprykład, Danieck abo Łuhansk. Fica ŭpeŭnieny, što rasijanie zavajoŭvajuć usio bolš terytoryj i što kanflikt dla Ukrainy nie maje vajennaha rašeńnia.

Urad pad kiraŭnictvam levaha papulista Robierta Fica byŭ sfarmavany ŭ Słavakii vosieńniu minułaha hoda, kali kaalicyja na čale ź jahonaj partyjaj atrymała bolšaść hałasoŭ na parłamienckich vybarach u Słavakii. Z taho času Fica i inšyja słavackija palityki zrabili ŭžo niamała zajaŭ, u jakich vystupili za naładžvańnie adnosin z pucinskaj Rasijaj i łukašenkaŭskaj Biełaruśsiu i abmiežavańnie dapamohi Ukrainie. Choć sam Fica ŭ hetym nie zaŭsiody paśladoŭny.

Tak, u kancy studzienia, sustrakajučysia ŭ Užharadzie sa svaim ukrainskim kaleham Dzianisam Šmyhalem, Fica zapeŭniŭ: słavacki ŭrad nie budzie pieraškadžać słavackim kampanijam pastaŭlać zbroju va Ukrainu ŭ ramkach zaklučanych kantraktaŭ i dapamahać umacoŭvać jaje abaronu.

Taksama Fica tady paabiacaŭ padtrymać zajaŭku Ukrainy na siabroŭstva ŭ ES i nadańnie makrafinansavaj dapamohi Kijevu z boku Brusela.

Kamientary

Ciapier čytajuć

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki6

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Usie naviny →
Usie naviny

«Ciarpieńnie — najlepšaja zbroja pieramožanych». Konrad Adenaŭer, abo Palityki jakoha typu patrebnyja paśla dyktatury19

Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła6

«Chaciełasia, kab žyćcio pastaviła mianie na miesca». Biełarus prajechaŭ bolš za 250 kiłamietraŭ pa Aŭstryi na rolikach4

Milicyja abviarhaje, što ŭ hibieli katoŭ u Minsku vinavaty skurałup3

U Minsku nieŭzabavie adkryjecca muziej piva1

Tramp uvioŭ dla inšaziemcaŭ «załatuju kartu» za $100 tysiač4

Ministarka abarony Litvy zaklikała źbivać rasijskija źniščalniki15

U centry Skidziela łoś prabraŭsia ŭ dvor i źjeŭ usie bujaki4

Ukrainski futbalist, adchileny ad futbołu z-za dopinhu, źbirajecca paŭdzielničać u budučaj Alimpijadzie ŭ inšaj ipastasi1

bolš čytanych navin
bolš łajkanych navin

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki6

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić