Biełaruski paet i kampazitar, aŭtar chita «Ludzi sustrakajucca» Aleh Žukaŭ pamior va ŭzroście 87 hadoŭ. Pra heta paviedamiła aŭtarka i muzykaznaŭca Volha Bryłon u fejsbuku.
«31 kastryčnika, pajšoŭ z žyćcia vieteran biełaruskaj estrady, vydatny paet-piesieńnik, aŭtar słoŭ dziasiatkaŭ našych lubimych piesień Aleh Uładzimiravič Žukaŭ. Jamu było 87 hadoŭ. Jašče adna niezamiennaja strata dla Biełarusi», — napisała Bryłon.
Za svajo žyćcio Aleh Žukaŭ napisaŭ bolš za 300 piesień dla rasijskich i biełaruskich estradnych vykanaŭcaŭ. Jon aktyŭna supracoŭničaŭ i siabravaŭ z narodnym artystam Rasii Juryjem Antonavym, piša «Lusterka».
Siarod jaho viadomych tvoraŭ — himny muzyčnych fiestyvalaŭ «Słavianski bazar», «Załaty šlahier», konkursu «Televiaršynia». Taksama siarod najbolš viadomych jaho piesień «Ludzi sustrakajucca», «Ab dobrych małajcach», «Nataška».
Na sajcie paeta adznačajecca, što piesiennaj tvorčaściu jon zajmaŭsia sa školnych hadoŭ, a na prafiesijnym uzroŭni — z 1967 hoda (sa źjaŭleńniem pieršych piesień, napisanych sumiesna ź Juryjem Antonavym, i pracaj vakalistam-instrumientalistam u VIA «Tonika» Viktara Vujačyča (1967-1971).
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary