Biełarusy źbirajucca na matč «Lehii» ź minskim «Dynama» ŭ Varšavie
«Biarycie jak maha bolš ściahoŭ i atrybutyki NAŠYCH koleraŭ», — zaklikaŭ kanał fanataŭ «Dynama».
7 listapada ŭ Varšavie adbudziecca futbolny matč Lihi kanfierencyj pamiž tamtejšaj «Lehijaj» i minskim «Dynama».
Sustrečy z entuzijazmam čakajuć biełaruskija fanaty.
«Hety matč — najlepšaja mahčymaść nahadać śvietu pra toje, što adbyvajecca ź Biełaruśsiu, u Biełarusi. U źviazku z hetym abjaŭlajecca ahulny zbor na hulniu! — napisaŭ kanał fanataŭ «Dynama» «Zrobleny ū Miensku».
Fany biełaruskaha kłuba zaklikajuć: «Kuplajcie kvitki na stadyjon (na kožny siektar, na kožnyja miescy), biarycie jak maha bolš ściahoŭ i atrybutyki NAŠYCH koleraŭ». Jany taksama prosiać tych, kamu heta istotna, nie zabyvać ab pryvatnaści, brać «kaptury, ciomnyja akulary, maski/šali i h.d.)».
«Tam dobry stadyjon na 40 tysiač hledačoŭ, šmat balelščykaŭ, atmaśfiera. Nam hałoŭnaje — pakazać dobry futboł. Na astatniaje my nie budziem zvažać. Mnie zdajecca, usio projdzie dobra», — skazaŭ hulec minskaha «Dynama» Mikita Dziemčanka ŭ intervju telekanału «Biełaruś 5».
«Dynama» idzie na pieršym miescy čempijanatu Biełarusi.
Łukašenkaŭcy kančatkova zabaranili nacyjanalnuju simvoliku ŭnutry Respubliki Biełaruś paśla taho, jak pad joju ŭ 2020-m prajšli masavyja pratesty suprać dyktatury.
Paśla hetaha matčy biełaruskich kamandaŭ za miažoju pieratvarylisia ŭ miescy zboru biełarusaŭ sa svaimi ściahami.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary