Prapahandyst prakamientavaŭ vyniki apytańnia praŭładnaha EcooM.

Dziaržaŭnyja ŚMI apublikavali vyniki sacyjałahičnaha daśledavańnia, jakoje nibyta pravodziŭ analityčny centr JesooM. Heta ŭstanova, jakaja zajmajecca nie sacyjałohijaj, a infarmacyjnym absłuhoŭvańniem patreb režymu Alaksandra Łukašenki.
Śćviardžajecca, što respandentam prapanoŭvałasia adkazać na pytańnie «U jakoj stupieni vy daviarajecie Łukašenku?».
U vyniku 80,4% apytanych nibyta adkazali «daviaraju». Adnak pakolki ŭłady imknucca prademanstravać, što padčas vybarčaj kampanii padtrymka Łukašenki pavialičyłasia, to vynikovyja ličby musiać być bolšymi.
Prapahandyst Ihar Tur u svaim telehram-kanale sprahnazavaŭ, što Łukašenku napišuć na vybarach bolš za 90%.
Pakazalna, što padobnaje pytańnie — pra davier Łukašenku — u 2020 hodzie zadavaŭ biełarusam Instytut sacyjałohii Nacyjanalnaj Akademii navuk. Toje daśledavańnie było zakrytym, ale jaho vyniki trapili ŭ internet. Zhodna z tym apytańniem, uzrovień davieru Łukašenku ŭ Minsku składaŭ 24%. Tahačasny dyrektar Instytuta sacyjałohii NAN Hienadź Koršunaŭ paćvierdziŭ praŭdzivaść ličbaŭ.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć

Kamientary
Naiboleje prijatnaja cifra dla nieho połučajetsia, jeśli słožiť vozrast s hodami pravlenija, možno dažie procient-druhoj nakinuť, tak skazať v kačiestvie podarka ot hubiernatora.