Heta nie prosta niejki brakavany płod, a asobny hatunak. Čym bolšy pupok, tym saładziejšy apielsin.
Apielsin daŭno nie ekzotyka. Nikoha nie ździviš raznastajnaściu vidaŭ pamarančaŭ — čyrvonyja, mandarynavyja abo jafskija. Adnak asablivuju ŭvahu varta źviarnuć na pupočnyja apielsiny.
My ŭpeŭnieny, što kožny choć raz za siezon nabyvaŭ apielsin, jaki, akramia asnoŭnaha płodu, maje jašče adzin niedaraźvity, dobra zaŭvažny zvonku dziakujučy jamačcy, jakaja nahadvaje čałaviečy pupok. Mała chto viedaje, što heta nie prosta niejki brakavany płod, a asobny hatunak.
Akazvajecca, upieršyniu takija płady vyvieli ŭ Brazilii ŭ pačatku XIX stahodździa. U 1820 hodzie manachi adnaho z manastyroŭ u štacie Baja zaŭvažyli na adnym z apielsinavych dreŭ niezvyčajnuju mutacyju zvyčajnaha sałodkaha apielsina. Pryčym pryroda sama padbała pra toje, kab hety apielsin nie mieŭ unutry nasieńnia.
Za niekalki dziesiacihodździaŭ pupočnyja apielsiny nabyli papularnaść u inšych krainach. Naprykład, u kancy XIX stahodździa ich pryvieźli ŭ Kaliforniju, dzie jany stali važnaj sielskahaspadarčaj kulturaj.
Nasieńnia niama, tamu hety hatunak razmnažajuć čarankavańniem, dziakujučy čamu pupočny apielsin, jaki my siońnia jamo, źjaŭlajecca hienietyčna identyčnym tamu, što jeli ludzi dva stahodździ tamu. Cikavy fakt: u kalifarnijskim horadzie Ryviersajd dahetul zachavałasia dreva hetaha hatunku ź pieršaj partyi, kaliści pryviezienaj z Brazilii.
U ZŠA pupočnyja apielsiny źjaŭlajucca samym raspaŭsiudžanym hatunkam. Jany nadta papularnyja, bo i kostačak u ich niama, i ličacca bolš smačnymi ŭ paraŭnańni ź inšymi vidami: majuć sałodki z kiślinkaj smak i vyrazny vodar.
Pupočnyja apielsiny vydatna padychodziać dla soku, sałataŭ ci pierakusu.
Pry vybary ŭ mahazinie ekśpierty rajać źviartać uvahu na apielsiny ź jarka vyražanym pupkom — ź vialikaj imaviernaściu taki płod budzie z sakavitaj i sałodkaj miakaćciu.
Čym bolšy pupok, tym saładziejšy apielsin.
Akramia pupka, važna taksama źviarnuć uvahu na inšyja prykmiety jakaści: płod pavinien być ćviordy navobmacak i važki (vysachły — značyć, pieraležały).
Abaviazkova paniuchajcie apielsin — pavinien adčuvacca śviežy, pryjemny cytrusavy pach.
Koler ža ciapier nie vyrašalny faktar, bo niaredka vytvorcy štučna farbujuć apielsiny (tak, tak!) abo pakryvajuć voskam.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?7
Kamientary
karaciej - vyciahvajuć usie soki z dreva-maci
dzie biełaruskija jabłyki? biełaruski časnyk dzie? i h.d.