U Polščy aryštavali kiroŭcu aŭtobusa «Homiel — Urocłaŭ», jaki źjechaŭ u kiuviet
U DTZ paciarpieli dzieviać čałaviek.
U Polščy aryštavali kiroŭcu aŭtobusa «Homiel — Urocłaŭ». Transpartny srodak ruchaŭsia ŭ napramku Poznani. Kiroŭca vyjechaŭ na avaryjnuju pałasu, prabiŭ darožnuju aharodžu, i aŭtobus źjechaŭ u kiuviet dy pierakuliŭsia na bok.
Viadoma, što mašyna naležyć homielskamu pieravozčyku «Trasa Je95», piša «Homielskaja praŭda».
U DTZ paciarpieli dzieviać čałaviek. Ich apieratyŭna dastavili ŭ lačebnuju ŭstanovu.
— Pavodle infarmacyi dyrektara kampanii, adzin z pasažyraŭ pa-raniejšamu zastajecca ŭ polskaj balnicy pad nahladam daktaroŭ. Siońnia (15 listapada) da jaho pryjeduć dačka i pradstaŭnik pieravozčyka, — adznačyŭ dyrektar AAT «Homielabłaŭtatrans» Dźmitryj Staraścienka. — Kiroŭca aŭtobusa znachodzicca pad aryštam. Astatnich pasažyraŭ siońnia zabiaruć z haścinicy i dastaviać va Urocłaŭ.
Kamientary