U Breście pastavili skulturu desantnika z aŭtamatam — u honar archanioła Michaiła
Na alei kavanych lichtaroŭ na vulicy Hohala ŭ Breście źjaviŭsia novy art-abjekt — skulptura desantnika z aŭtamatam. Aŭtar raboty, miascovy skulptar Mikałaj, nazvaŭ fihuru «Miša» — u honar archanioła Michaiła. Pa jaho słovach, desantnik simvalizuje niabiesnaha abaroncu ŭ sučasnym vobrazie i pavinien achoŭvać horad, piša BGMedia.
Skulptar raskazaŭ, što fihura stvoranaja pavodle realnych uzoraŭ vajskovaj formy, a jaje stvareńnie zaniało amal hod. Ideja — pakazać sučasnaha bajca, jaki zamianiŭ mieč archanioła na zbroju, ale zastajecca simvałam miru i abarony.
Paśla ŭstanoŭki skulptury ŭ internecie razharełasia dyskusija. Adnyja haradžanie padtrymali ideju, ličačy, što desantnik arhanična hladzicca ŭ Breście, dzie jość svaja čaść PDV. Inšyja ž miarkujuć, što fihura z aŭtamatam vyhladaje zanadta ahresiŭna i nie adpaviadaje atmaśfiery litaraturnaj alei, dzie bolšaść abjektaŭ pryśviečanaja hierojam z knih i kazak.
Krytyki adznačajuć, što na vulicy Hohala varta raźmiaščać mastackija abo litaraturnyja vobrazy, a nie vajskovyja fihury. U jakaści alternatyvy jany prapanujuć stvaryć, naprykład, skulpturu sałdata z kazki Andersena ci hieroja z narodnych apoviedaŭ.
Aleja kavanych lichtaroŭ — adzin z samych viadomych turystyčnych abjektaŭ u Breście. Jana adkryłasia ŭ 2013 hodzie, i kožny lichtar tam — asobnaja mastackaja historyja. Z časam tut źjavilisia i inšyja abjekty, nie źviazanyja ź litaraturaj, a desantnik staŭ jašče adnym prykładam takich rabot.
Darečy, u Breście ŭžo jość pomnik, pryśviečany desantnikam. Jon byŭ ustalavany ŭ 2018 hodzie ŭ haradskim parku kultury i adpačynku i zrobleny pavodle siužetu multfilma «Desantnik Ściopačkin». Tam chłopčyk častuje vajskoŭca kašaj, a centram kampazicyi słužyć parašut.
«Nie prosta zapalvajem, a adradžajem tradycyju». Lichtarščyk z Bresta raskazaŭ pra mahiju śviatła, huzik na ŭdaču i staradaŭniuju muzyku
U centry Bresta pastavili hihancki pomnik huziku
Znakamity lichtarščyk z Bresta pakazaŭ svoj «Maskvič-412», ź jakim nie žadaje rasstavacca
«Za 500 rubloŭ lacieŭ u Minsk z Mahilova na samalocie». Minčuk pa paradku abjechaŭ usie miescy ź biełaruskich kupiur
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary