Chakieista minskaha «Dynama» buduć sudzić za hrupavoje zhvałtavańnie
Dyłon Dziubie i jašče niekalki chakieistaŭ abvinavačvajucca ŭ hrupavym zhvałtavańni, učynienym u 2018 hodzie.
Sudovy praces pa spravie pieciarych byłych hulcoŭ moładzievaj zbornaj Kanady ab seksualnym hvałcie pačniecca 22 krasavika 2025 hoda.
Spravu budzie razhladać sud u Łondanie ŭ pravincyi Antaryjo pry ŭdziele prysiažnych. Abvinavačanyja nastojvali, kab praces pačaŭsia ŭ vieraśni 2025 hoda, adnak sudździa adchiliŭ hetuju prapanovu, piša Sportsnet.
Siarod abvinavačanych — napadnik Dyłon Dziube, jaki ciapier vystupaje ŭ minskim «Dynama». Na fonie skandału kłuby Nacyjanalnaj chakiejnaj lihi skasavali kantrakty z usimi fihurantami, i Dziube daviałosia šukać pracu ŭ Jeŭropie.
Na sud jon pavinien budzie źjavicca asabista. Napadnik, jak i jahonyja tavaryšy, viny nie pryznaje.
Chakieistaŭ abvinavačvajuć u tym, što jany hrupaj zhvałcili žančynu paśla śviatočnaha mierapryjemstva ŭ honar moładzievaj zbornaj Kanady ŭ červieni 2018 hoda.
Sprava rasśledavałasia ŭ 2018-2019 hadach, tady śledčyja nie znajšli dastatkovych dokazaŭ złačynstva. Adnak na fonie šyrokaj krytyki ŭ adras Fiederacyi chakieja Kanady palicyja Łondana adnaviła rasśledavańnie ŭ lipieni 2022 hoda. Ciapier sprava pieradadziena ŭ sud.
Darečy, Dziube ŭ «Dynama» nie apraŭdvaje čakańniaŭ: u hetym siezonie KCHŁ jon zakinuŭ tolki try hały i addaŭ piać pieradač u 25 matčach.
Kamientary