U Hiermanii i Aŭstryi za kradziažy z kramaŭ zatrymali biełarusaŭ
Adrazu dźvie naviny pra zatrymańnie biełarusaŭ za sprobu kradziažu ŭ mahazinach pryjšli niadaŭna z Hiermanii i Aŭstryi, piša sajt «Biełaruś i śviet».
Tak, niamieckaja hazieta Markische Oderzeitung paviedamiła, što ŭ horadzie Bad-Frajenvaldzie (Bavaryja) ranicaj 13 listapada ŭ supiermarkiecie byŭ zaŭvažany mužčyna, jaki napoŭniŭ kišeni kurtki ałkaholem i kavaj i pasprabavaŭ niezaŭvažna syści.
Kali jaho spynili i patłumačyli, kab jon viarnuŭ tavary, mužčyna vyrvaŭsia i pačaŭ uciakać praz parkoŭku, pry hetym nanios traŭmu supracoŭniku dyskontara.
U vyniku parušalnika ŭsio ž spynili i zatrymali da prybyćcia palicyi. U dačynieńni da našaha 45-hadovaha suajčyńnika viadziecca rasśledavańnie.
A pravaachoŭnyja orhany ziamli Nižniaja Aŭstryja paviedamili ŭ pres-relizie, što ŭ horadzie Vajtra 13 listapada kala 07.20 ranicy palicejski, nie znachodziačysia na słužbie, staŭ śviedkam kradziažu ŭ praduktovym mahazinie.
Jon zaŭvažyŭ i spyniŭ čałavieka, jaki schavaŭ pad kurtkaj dzieviać butelek śpirtnoha na ahulnuju sumu bolš za 250 jeŭra. Naš 34-hadovy suajčyńnik byŭ dastaŭleny ŭ adździaleńnie. Viadziecca raźbiralnictva.
Kamientary