Śviet1010

Voś što Mierkiel napisała pra Trampa ŭ svaich miemuarach

Byłaja kancler Hiermanii Anhieła Mierkiel, jakaja kiravała krainaj 16 hadoŭ, raskryła padrabiaznaści svaich adnosin z Donaldam Trampam padčas jaho pieršaha terminu prezidenctva. Frahmienty miemuaraŭ Mierkiel, jakija chutka vyjduć u śviet, apublikavała vydańnie Die Zeit.

Donald Tramp i Anhieła Mierkiel. Fota: Francois Mori / AP

U svaich miemuarach byłaja kancler Hiermanii Anhieła Mierkiel apisvaje styl pavodzinaŭ Donalda Trampa, piša Politico sa spasyłkaj na niamieckaje vydańnie Die Zeit, u rasparadžeńni jakoha akazalisia frahmienty miemuaraŭ.

«Tramp analizavaŭ usio z punktu hledžańnia pradprymalnika, jakim byŭ da palityki. U jaho mientalitet zabudoŭščyka — kožny ŭčastak možna było vykarystoŭvać tolki adzin raz. Kali jon jaho nie atrymlivaŭ, značyć, jaho atrymlivaŭ chtości inšy. Hetak ža jon hladzieŭ i na śviet», — piša Mierkiel.

Pavodle słoŭ byłoha kanclera, dla Trampa ŭsie krainy byli adna dla adnoj vyklučna kankurentami, i pośpiech adnoj dla jaho aznačaŭ niaŭdaču inšaj — jon nie vieryŭ u roskvit usich za košt supracoŭnictva.

Mierkiel u miemuarach pryznajecca, što Tramp dla jaje byŭ składanym surazmoŭcam. Taja navat źviarnułasia pa paradu da Papy Rymskaha Francyska, kab daviedacca, jak lepš pavodzić siabie z amierykanskim prezidentam.

«Nie nazyvajučy imionaŭ, ja adnojčy spytała Francyska, jak by jon daŭ rady z pryncypova roznymi dumkami siarod upłyvovych lidaraŭ», — raspaviadaje Mierkiel, majučy na ŭvazie pahrozy Trampa vyvieści ZŠA z Paryžskaha pahadnieńnia pa klimacie 2015 hoda.

«Francysk adrazu mianie zrazumieŭ i adkazaŭ prosta: «Hni, hni, hni, ale aściarožna, kab nie złamać». Mnie spadabałasia hetaja mietafara. U takim duchu ja i pasprabavała ŭ Hamburhu vyrašyć svaju prablemu z Paryžskim pahadnieńniem i Trampam», — uspaminaje Mierkiel.

Makron, Mierkiel i Tramp padčas samitu G-20 u Hamburhu, lipień 2017 hoda. Fota: John MacDougall / AP

Značnaja častka ŭspaminaŭ byłoha kanclera pra Trampa, jak adznačaje Die Zeit, tyčycca pieršaj sustrečy ź im u Biełym domie ŭ sakaviku 2017 hoda.

«My havaryli na dvuch roznych uzroŭniach: ja apieravała faktami, jon — emocyjami. Na maje arhumienty jon źviartaŭ uvahu, jak praviła, tolki dla taho, kab pabudavać na ich asnovie novyja abvinavačvańni.

Z našych pieršych adnosin ja zrabiła važnuju vysnovu: nijakaja sumiesnaja praca z Trampam dla suśvietnaha raźvićcia niemahčyma», — padkreślivaje Mierkiel u miemuarach.

Palityk dadaje, što faktar Trampa vymusiŭ jaje publična zajaŭlać ab tym, što Jeŭropa pavinna bolš aktyŭna adstojvać svaje kaštoŭnaści i pryncypy, nie spadziejučysia na inšych.

Mierkiel i Tramp padčas sustrečy ŭ Biełym domie ŭ sakaviku 2017 hoda. Fota: Pablo Martinez Monsivais / AP

Mierkiel taksama adznačaje, što padčas sustrečy ŭ sakaviku 2017 hoda Tramp chacieŭ daviedacca jaje mierkavańnie pra Pucina.

«Donald Tramp zadaŭ mnie šerah pytańniaŭ, u tym liku pra majo ŭschodniehiermanskaje pachodžańnie i asabliva pra maje adnosiny z Pucinym. Jon, vidać, byŭ vielmi začaravany rasijskim prezidentam. U dalejšym u mianie skłałasia ŭražańnie, što jaho pryvablivajuć palityki z aŭtakratyčnymi i dyktatarskimi rysami», — reziumavała Mierkiel u svaich miemuarach.

Kamientary10

  • ...
    21.11.2024
    Z našych pieršych adnosin ja zrabiła važnuju vysnovu: nijakaja sumiesnaja praca z Trampam dla suśvietnaha raźvićcia niemahčyma», — padkreślivaje Mierkiel u miemuarach.
    ...
    značyć čarhovamu braku dvuch siaścior (rasiei i hiermanii) być. hazapravod nie daść saŭrać
  • Ładzik
    21.11.2024
    Chaj hetaja štazistka raskaža lepš pra svajo siabroŭstva z frojndam Vładimirom
  • Łoł
    21.11.2024
    A Mierkiel nie ŭzhadała ŭ miemumarach, jak Tramp zmahaŭsia suprać daminavańnia rasijskaha haza ŭ ES, zabaraniaŭ Paŭnočny patok, a Mierkiel zmahałasia za Patok i rasijski haz.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić