Žychara Bresta, jaki chadziŭ na palityčnyja pracesy, asudzili na siem hadoŭ
Taksama jamu dali hihancki štraf.
Vitala Čopika, jaki chadziŭ na palityčnyja pracesy, asudzili na 7 hadoŭ kałonii ŭzmocnienaha režymu i aštrafavali na 1000 bazavych vieličyń (40 000 rubloŭ), paviedamiŭ adzin ź milicejskich kanałaŭ.
41-hadovaha mužčynu vinavacili ŭ tym, što jon chadziŭ na sudy nad «ekstremistami» i paviedamlaŭ pra prysudy.
U śniežni 2021 hoda ŭ Čopika praviali pieršy pieratrus. U vieraśni 2022 hoda jaho pieršy raz zatrymali — farmalna za ściah, jaki siłaviki, mahčyma, sami vyviesili ŭ jahonaj kvatery ŭžo paśla zatrymańnia. U mužčyny prosta nie było smartfona, u jakim možna było adšukać «ekstremisckija materyjały», i tamu łukašystam nie było da čaho inšaha dačapicca.
Inšy raz u budynku suda kanvoj zaciahnuŭ jaho ŭ asobny pakojčyk, dzie jaho ŭdaryli pad dych i paraili bolš na pasiadžeńni nie chadzić.
Apošni raz Čopika zatrymali ŭ sakaviku 2024 hoda. Tady jaho, miarkujučy pa ŭsim, mietadyčna źbivali: vidavočcy raskazali, što jaho pryvozili ŭ balnicu chutkaj dapamohi.
Kamientary
"Prakuror" Hienadź Bury (rus. Hiennadij Buryj)