Biełarusy Hdańska chočuć prybrać partret Pratasieviča z płakata kala Jeŭrapiejskaha centra Salidarnaści
Biełarusy Hdańska skłali adkryty list da Jeŭrapiejskaha centra Salidarnaści z prośbaj prybrać partret Ramana Pratasieviča z płakata, pryśviečanaha biełaruskim palitviaźniam. Jany śćviardžajuć, što ciapier jahonaja praca škodzić spravie biełarusaŭ. Zaraz pad listom źbirajuć podpisy, piša Most.
«My pierakananyja: prysutnaść partreta Ramana Pratasieviča ŭ samym sercy Hdańska stała niebiaśpiečna blizkaju da rekłamavańnia jahonych sumnieŭnych pasłuh dy prasoŭvańnia prykrych prapahandysckich tezaŭ», — pišuć inicyjatary.
Banier z partretami viadomych biełaruskich palitviaźniaŭ źjaviŭsia kala Jeŭrapiejskaha centra Salidarnaści ŭ 2021 hodzie. Siarod vyjaŭ apynuŭsia i partret Ramana Pratasieviča, eks-redaktara telehram-kanała Nexta, aryštavanaha ŭ vyniku apieracyi pa pasadcy ŭ Minsku samalota avijakampanii Ryanair.
Tady jon byŭ adnym ź simvałaŭ pratestu, ale praz try hady staŭleńnie da jaho ŭ biełarusaŭ źmianiłasia, bo Pratasievič aktyŭna supracoŭničaje ź biełaruskim režymam.
U kancy kastryčnika ŭ zakrytym čacie biełarusaŭ Hdańska prajšło apytańnie na temu taho, ci varta zdymać partret Pratasieviča. Siarod 77 udzielnikaŭ 70% vykazalisia za toje, kab jaho źniać, i 30% — za zachavańnie partreta.
«Pratasievič — znakavaja, u niekatorych momantach klučavaja postać padziej biełaruskaj revalucyi 2020 hoda, — ličyć aktyvist dyjaspary pad nikam Ufulu. — Jaho zatrymańnie praz avijapiractva paspryjała pryciahnieńniu ŭvahi da Biełarusi ŭ 2021 hodzie, pačalisia značnyja sankcyi, čaho nie było navat paśla hvałtu ŭ Biełarusi ŭ 2020-m… Jon šabłon łamańnia ludziej režymam. Čałaviek, jaki pahadziŭsia na supracoŭnictva z režymam pa dahetul nieviadomych pryčynach. Jaho historyja jak achviary režymu jašče nie skončanaja, my dakładna nie viedajem, što i jak ź im rabili. Ale heta nie admianiaje taho fakta, što jon supracoŭničaje zaraz z režymam».
Ale mnohija aktyvisty ŭpeŭnienyja, što partret treba prybrać ci chacia b dapoŭnić kamientarami, jakija adlustroŭvali b biahučaje stanovišča.
Inicyjatar zboru podpisaŭ za źniaćcie partreta Jaŭhien Hryščanka ličyć, što ciapierašnija dziejańni Pratasieviča mohuć być niebiaśpiečnymi dla biełarusaŭ:
«Raman prapanuje ludziam źviartacca da jaho pa dapamohu, jakaja abierniecca viaźnicaju dy pakutami».
Aktyvist taksama padkreślivaje, što partret Pratasieviča moža ŭsprymacca jak rekłama jahonaj ciapierašniaj dziejnaści. Jaŭhien ličyć, što jaho miesca pavinien zaniać inšy simvał biełaruskaj baraćby — toj, chto praciahvaje supraciŭ i siońnia.
Uładzimir Čudziancoŭ vyjšaŭ na svabodu i sustreŭsia z Pratasievičam
Pratasievič kaža, što jeździŭ u Dubaj nie tolki na adpačynak
Praŭładny kanał: Čamu Pratasieviča ŭziali na pracu, a biełarusaŭ, jakija lehalna stavili podpisy za alternatyŭnych kandydataŭ, nie biaruć?
Pierad tym, jak ahučyć svoj zarobak, Pratasievič pahladzieŭ na kahości za kadram
Azaronak pachvaliŭsia, što heta była jaho ideja pakłaści nacyjanalny ściah pad nohi Pratasieviču
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ5
Kamientary