Načalnik Hienštaba Biełarusi nazvaŭ zapusk «Arešnika» pa Dniapry žestam dobraj voli
Taksama Pavieł Muraviejka nazvaŭ rasijskuju armiju samaj mahutnaj u śviecie.
Načalnik Hienštaba Biełarusi nazvaŭ zapusk Rasijaj «Arešnika» pa ŭkrainskim Dniapry žestam dobraj voli. Pra heta Pavieł Muraviejka zajaviŭ u intervju sb.by.
«Heta, skažam tak, žest dobraj voli i pasył, što nie treba žartavać z Rasijaj. Za apošnija niekalki hadoŭ rasijski abaronna-pramysłovy kompleks zrabiŭ hihanckija kroki napierad, hihanckija. Siońnia novych uzoraŭ uzbrajeńnia i techniki ŭ Rasii vielmi šmat. I pakaz «Arešnika» — usiaho tolki demanstracyja svaich mahčymaściaŭ. Pryčym u zvyčajnym ryštunku, biez vykarystańnia jakich-niebudź śpiecyfičnych elemientaŭ», — skazaŭ hienierał.
Pavieł Muraviejka nazvaŭ rasijskuju armiju samaj mahutnaj u śviecie.
«Siońnia my aktyŭna ŭzajemadziejničajem z našym stratehičnym sajuźnikam Rasijaj. U nas sumiesnaja rehijanalnaja hrupoŭka vojskaŭ, adzinaja škoła padrychtoŭki i adzinaje ŭzbrajeńnie. My sčytvajem nazapašany vopyt viadzieńnia bajavych dziejańniaŭ u sučasnych vajennych kanfliktach.
Rasijskaja armija — vajujučaja armija. Skažu, što heta samaja mahutnaja i samaja mocnaja armija ŭ śviecie, supraćstajać jakoj ciapier naŭrad ci znojdziecca siła. I heta naš sajuźnik, heta našy chłopcy, ź jakimi my ŭzajemadziejničajem, abmieńvajemsia vopytam.
U nas faktyčna adzinyja dakumienty, adzinyja pohlady i adzinyja padychody», — skazaŭ jon.
Prajšoŭsia načalnik Hienštaba i pa NATO: «No Actions Talks Only, nijakich akcyj, tolki razmovy. Tamu daj boh, kab jany niešta mahli i ŭmieli rabić. Bo navat taja zbroja, jakuju jany addajuć Ukrainie, nie mocna siabie i zarekamiendavała».
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary