Prezident Litvy: Uzrovień pahroz u krainie raście pa paskoranaj trajektoryi
Pravaachoŭnyja orhany Litvy pravodziać dziasiatak dasudovych rasśledavańniaŭ mahčymych vypadkaŭ dyviersij, i prezident Hitanas Naŭsieda pryznaje, što ŭzrovień pahroz u krainie raście pa paskoranaj trajektoryi, piša Delfi.lt.
«Uzrovień pahroz vidavočna raście i navat, ja b skazaŭ, pa paskoranaj trajektoryi. My bačym roznyja typy incydentaŭ. Pakul my nie možam paćvierdzić suviaź hetych incydentaŭ z Rasijaj — u pryvatnaści, incydenty ŭ Bałtyjskim mory, niadaŭni incydent z abryvam kabiela pamiž Šviecyjaj i Finlandyjaj, avijakatastrofu ŭ Vilni», — u sieradu telekanału LRT skazaŭ kiraŭnik krainy.
«Całkam mahčyma, što paśla zaviaršeńnia hetych rasśledavańniaŭ my vyśvietlim, što naŭmysnaha hibrydnaha dziejańnia Rasii tut nie było», — dadaŭ jon.
Adnak, na dumku H. Naŭsiedy, pazicyja Rasii ŭ adnosinach da susiednich krain zastajecca niebiaśpiečnaj.
«Tym nie mienš, usia rytoryka Rasii, jaje dziejańni ŭ inšych rehijonach śvietu, abvastreńnie napružanaści, zaćvierdžany imi vajskovy biudžet na 2025 hod, ja b skazaŭ, vielmi vyklikaje što da pieramovaŭ z Ukrainaj — usie hetyja čyńniki pakazvajuć na toje, što palityka Rasii nie tolki nie mianiajecca, ale jašče bolš abvastrajecca», — skazaŭ kiraŭnik krainy.
«Hetym razam, paŭtarusia, Rasija kidaje vyklik, kidajučy biełuju palčatku nie tolki narodam susiednich dziaržaŭ, ale i ŭsiamu demakratyčnamu Zachadu, NATO, i jany hetaha navat nie chavajuć», — zajaviŭ H.Naŭsieda.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie44
Kamientary