«Aficyjnaja pazicyja kamiteta — my nikoha nie mianiajem». Pradstaŭnik KDB raskazaŭ pra pierśpiektyvy abmienu źniavolenymi
Načalnik śledčaha ŭpraŭleńnia KDB Kanstancin Byčak u prapahandysckim filmie na BT raskazaŭ, što ŭ Biełarusi źniavolenaja vialikaja kolkaść zamiežnych hramadzian, u tym liku z Polščy, krain Bałtyi i inšych zachodnich dziaržaŭ, za supracoŭnictva sa śpiecsłužbami zamiežnych dziaržaŭ. Adnak na niekaha mianiać ich nibyta nie płanujuć.
«Hetyja asoby asudžanyja za špijanaž i ahienturnuju dziejnaść, — adznačyŭ jon. — Ich vinavataść ustanoŭlenaja prysudami sudoŭ na padstavie nieabvieržnych dokazaŭ, u tym liku i pryznalnych pakazańniaŭ».
Na KDB nibyta rehularna vychodziać pradstaŭniki zamiežnych śpiecsłužbaŭ z prapanovami abmianiać hetych asob na hramadzian Respubliki Biełaruś, jakija znachodziacca ŭ ich turmach:
«Pry hetym dla abmienu jany prapanujuć rabaŭnikoŭ, hvałtaŭnikoŭ, machlaroŭ, narkamanaŭ i inšych. U suviazi z hetym aficyjnaja pazicyja kamiteta — my nikoha nie mianiajem. Ni ŭ Polščy, ni ŭ Prybałtycy, ni ŭ inšych krainach Zachadu niama hramadzian Respubliki Biełaruś, jakija supracoŭničali z KDB, asudžanyja za heta i adbyvajuć tam pakarańnie».
U hetym ža samym filmie pra špijonaŭ, jaki vyjšaŭ na BT, raskazali, što Polšča nibyta sprabavali zavierbavać biełaruskaha dypłamata. U roli viarboŭščyka vystupaŭ polski dypłamat Marcin Hrabovič, a sprava adbyvałasia ŭ Kišyniovie.
Biełaruskamu dypłamatu Uładzimiru Marcin Hrabovič i jašče adzin palak Pavieł Novak nibyta prapanavali hrošy za pracu na polskija śpiecsłužby, ale toj admoviŭsia ad supracoŭnictva i navat zafiksavaŭ sprobu viarboŭki na aŭdyjo i videa.
Kanstancin Byčak paabiacaŭ na heta «adpaviednuju reakcyju», a pres-sakratar MZS Anatol Hłaz paviedamiŭ pra hatoŭnaść adpaviednaj noty i anansavaŭ «šerah inšych krokaŭ».
U efiry BT vyjšaŭ špijonski film pra asudžanych Dźmitryja Paźniakova i Tomaša Biarozu
«Nievierahodna, što dziaržTB moža tak adkryta chłusić». Čałaviek, jakoha BT nazvała kurataram japonskaha špijona, prakamientavaŭ situacyju
«Terakt», za jaki asudzili niemca Kryhiera, zładzili biełaruskija siłaviki — viersija Biełpoła
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary