Śpikier parłamienta Natalla Kačanava raźbirałasia ź lachavickaj maršrutkaj
Staršynia Savieta Respubliki Natalla Kačanava praviała pryjom hramadzian. Ź jakimi prablemami da jaje dajšli ludzi, jakich adfutbolili mienš aŭtarytetnyja ŭstanovy?
Naprykład, śpikiercy parłamienta daviałosia raźbiracca z prablemaj maršrutki Minsk — Lachavičy, piša «Źviazda».
Zasnavalnik transpartnaj kampanii, jakaja ažyćciaŭlaje pasažyrskija pieravozki pamiž Minskam i Lachavičami, paskardziŭsia, što jaho maršrutkam nie dazvalajuć rabić prypynki ŭ haradach, jakija znachodziacca pa darozie. Jon navat prynios podpisy žycharoŭ Klecka i Niaśviža, jakija chacieli b mieć mahčymaść jeździć na lachavickaj maršrutcy.
Dyrektar «Minabłpasažyrtransa» Alaksandr Kachno davodziŭ, što zabarona całkam zakonnaja. Jon patłumačyŭ, što pakolki Lachavičy znachodziacca ŭ Bresckaj vobłaści, to treba prajści śpiecyjalnuju praceduru, kab atrymać dazvoł rabić dadatkovyja prypynki jašče i ŭ Minskaj vobłaści. Dyj uvohule ŭ Niaśvižy i Klecku jość svaje maršrutki. Tamu, maŭlaŭ, kali sieŭ na lachavickuju maršrutku, to i jedź da svaich Lachavičaŭ.
Kačanava zapiarečyła — nielha zabaraniać ludziam vyjści na tym prypynku, dzie jany chočuć. Ciapier Ministerstva transpartu i kamunikacyj atrymaje daručeńnie źmianić absurdnuju normu zakona. U biurakratyčnaj biełaruskaj sistemie dla hetaha spatrebiŭsia vokryk źvierchu.
Ciapier čytajuć
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary