Stała viadoma pra aryšt minskaha chirurha z 17-hadovym stažam. Joj pahražaje vializny termin za palityku
Lilii Kačan zakidajuć «zakliki da sankcyjaŭ» i ŭdzieł u pratestach.
Lilii Kačan 41 hod, jana ź Minska. Skončyła Biełaruski dziaržaŭny miedycynski ŭniviersitet u 2007 hodzie.
U 2012 Kačan skončyła ardynaturu pa śpiecyjalnaści «chirurhija». Pracavała ŭ 10-j haradskoj kliničnaj balnicy ŭ Minsku, a taksama ŭ «Nardzinie». Maje bolš za 17 hadoŭ stažu jak urač.
Lilija vielmi lubić padarožničać. U jaje sacsietkach šmat fota z vandrovak pa Biełarusi i zamiežžy. A jašče jana fatahrafuje i addaje hetamu šmat času.
Kačan źnikła z usich sacsietak paśla 16 kastryčnika 2024 hoda, kali byŭ vykładzieny jaje apošni dopis z fotazdymkami. Paśla hetaha žančyna nie źjaŭlałasia anłajn, byŭ vydaleny i jaje telehram-akaŭnt.
Liliju Kačan pačynajuć sudzić 27 śniežnia 2024 hoda ŭ Minskim haradskim sudzie. Abvinavačańni — «udzieł u pratestach» (č. 1 art. 342 KK) i «zakliki da sankcyjaŭ ci inšych mier, nakiravanych na pryčynieńnie škody Biełarusi» (č. 3 art. 361 KK). Joj pahražaje da dvanaccaci hadoŭ kałonii sa štrafam.
«Naša Niva» — bastyjon biełaruščyny
PADTRYMAĆ
Kamientary
Nu čto,ienierał, etot słučaj s žienŝinoj-vračom tožie układyvajetsia № tvoju diebilnuju konciepciju «silnoho husudarstva»?
Asadovskije pałači i sadisty tožie dumali,čto ich raj budiet viečno.
An vona kak vsie vyšło.