U Baranavickim rajonie žančyna na rybałcy zaŭvažyła vielmi niezvyčajnuju žyviołu. Na vadajomie ŭ vioscy Pałonka haradžancy zdałosia, što heta biełaja norka. Ale, jak adznačajuć ekśpierty, u pryrodzie takich nie sustrenieš.
Ale pytańnie, chto heta, nie davaŭ spakoju. Jasnaść unios kandydat bijałahičnych navuk, dacent kafiedry pryrodaznaŭčych dyscyplin piedahahičnaha fakulteta BarDU Siarhiej Ryndzievič, piša Blizko.by.
Pavodle jaho słoŭ, moža padacca, što heta norka-albinos, jakija mohuć sustrakacca ŭ pryrodzie:
— Adnak usie prykmiety, uklučajučy koler vačej, nosa pakazvajuć, što heta biełaja amierykanskaja norka. Heta štučna vyviedzienaja paroda. Chutčej za ŭsio, jana adniekul źbiehła.
A ci moža jana samastojna vyžyć u Biełarusi? Adkaz — stanoŭčy. Siłkujecca źviarok rybaj, žabami, ptuškami, drobnymi hryzunami, i kazurkami.
Biełaja amierykanskaja norka — heta adna z formaŭ afarboŭki amierykanskaj norki, jakaja źjaŭlajecca papularnym miecham u vytvorčaści adzieńnia i aksiesuaraŭ.
Biełaja afarboŭka zvyčajna dasiahajecca dziakujučy sielekcyi, i takija asobiny mohuć mieć roznyja adcieńni, jakija varjirujucca ad amal biełaha da śvietła-kremavaha. Miech biełaj norki adroźnivajecca vysokaj ciepłaachovaj i šaŭkavistaj teksturaj, što robić jaho kaštoŭnym u modnaj industryi.
U ekanamičnym płanie biełaja amierykanskaja norka maje vysoki košt, bo futra ličycca raskošnym i vałodaje dobrymi ekspłuatacyjnymi charaktarystykami.
Ciapier čytajuć
«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh2
Kamientary