«Siryja pakazvaje, što Rasija nie niepieramožnaja». Hałoŭnaja dypłamatka ES vykazałasia suprać pieramoŭ na ŭmovach Maskvy
Viarchoŭnaja pradstaŭnica Jeŭrasajuza pa zamiežnych spravach i palitycy biaśpieki Kaja Kałas papiaredziła, što padšturchoŭvańnie Ukrainy da jak maha chutčejšych pieramoŭ z Rasijaj ab spynieńni amal trochhadovaj vajny moža pryvieści da «kiepskaha pahadnieńnia» dla Kijeva. Hetyja słovy prahučali na fonie zaklikaŭ da chutkaha ŭrehulavańnia kanfliktu, jakija hučać u Jeŭropie i śviecie, paviedamlaje Euronews.
Hałoŭnaja dypłamatka ES vystupiła z kamientarami ŭ čaćvier ranicaj, pierad tym jak adpravicca na samit lidaraŭ Jeŭrapiejskaha sajuza. Jaho klučavaja tema — padtrymka Ukrainy, jakaja supraćstaić rasijskaj ahresii.
«Luboje padšturchoŭvańnie da zaŭčasnych pieramoŭ budzie kiepskim pahadnieńniem dla Ukrainy, — skazała Kałas žurnalistam u Brusieli. — Usie astatnija hulcy ŭ śviecie ŭvažliva sočać za tym, jak my dziejničajem u hetym vypadku, i tamu nam sapraŭdy treba być mocnymi».
«Siryja pakazvaje nam, što Rasija nie źjaŭlajecca niepieramožnaj, i my nie pavinny niedaaceńvać svaju ŭłasnuju siłu», — dadała Kałas, majučy na ŭvazie niadaŭni krach režymu Bašara Asada, hałoŭnaj aporaj jakoha byŭ Kreml.
Kaja Kałas uznačaliła dypłamatyju Jeŭrasajuza zusim niadaŭna, 1 śniežnia 2024 hoda, źmianiŭšy na pasadzie Žazepa Barela. Pierad tym sa studzienia 2021 hoda pa lipień 2024-ha jana była premjer-ministarkaj Estonii.
Padobnuju da Kałas dumku vykazaŭ i prezident Litvy Hitanas Naŭsieda, zajaviŭšy, što Rasija nie prajaŭlaje hatoŭnaści da pieramovaŭ, a tamu lubyja sproby abmierkavańnia ich kontrpraduktyŭnyja.
«Ja ŭ kursie peŭnych čutak pra pieramovy, ale majo mierkavańnie takoje, što, vierahodna, heta jašče zanadta rana, tamu što ciapier Rasija znachodzicca ŭ nastupalnaj pazicyi, — skazaŭ Naŭsieda. — Kali my pasprabujem niešta zrabić u hetaj situacyi, heta nie pryviadzie da spraviadlivaha i tryvałamu miru. Heta budzie niespraviadlivy i niaŭstojlivy mir».
Na dumku Naŭsiedy, ES pavinien vyjści za ramki «rytaryčnych» abiacańniaŭ i zamiest hetaha zasiarodzicca na ŭzmacnieńni vajskovaj i finansavaj padtrymki Ukrainy, kab pastavić krainu ŭ maksimalna mocnaje stanovišča pierad pačatkam lubych pieramoŭ.
«Na žal, my nie vykonvajem abiacańniaŭ, — narakaje jon. — Šmat abiacańniaŭ, ale nie tak šmat abiacańniaŭ, jakija my mahli b vykanać».
«Situacyja sapraŭdy składanaja, i my pavinny być sumlennymi z samimi saboj, — praciahvaje jon. — My pavinny stać sapraŭdy hłabalnym stratehičnym hulcom. I my zmožam stać takim hulcom tolki ŭ tym vypadku, kali budziem prymać rašeńni, a nie tolki havaryć, havaryć i havaryć».
U Jeŭrasajuzie abmiarkoŭvajuć adpraŭku va Ukrainu da 100 tysiač vajskoŭcaŭ
Čamu Łukašenka choča ŭziać udzieł u pieramovach pa Ukrainie i jakich harantyj biaśpieki paprosić?
Zialenski vyklučyŭ zamarozku vajny dla pieramovaŭ z Rasijaj paśla prychodu Trampa da ŭłady
Volha Karač: Na mirnych pieramovach Biełaruś pavinien pradstaŭlać Paźniak. A Cichanoŭskaja słabaja
Ukrainskaje MZS paviedamiła, na jakija pieramovy i harantyi Minsk maje prava pretendavać
Prezident Słavakii Pielehryni: Ukrainie pryjdziecca stracić niekatoryja terytoryi dziela miru
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary