Zialenski vyklučyŭ zamarozku vajny dla pieramovaŭ z Rasijaj paśla prychodu Trampa da ŭłady
Abrany prezident ZŠA Donald Tramp choča chutka zaviaršyć vajnu va Ukrainie, ale Kijeŭ nie źbirajecca zdavacca i zamarožvać bajavyja dziejańni dziela pieramovaŭ, zajaviŭ ukrainski prezident Uładzimir Zialenski.
«Tramp viedaje pra majo žadańnie nikudy nie śpiašacca na škodu Ukrainie. Kraina ŭžo daŭno zmahajecca za svoj suvierenitet. Kolki b prezidentaŭ abo premjer-ministraŭ nie chacieli abviaścić ab spynieńni vajny, my nie źbirajemsia prosta zdavacca i admaŭlacca ad našaj niezaležnaści», — skazaŭ Zialenski padčas razmovy z čytačami Le Parisien.
Ź jahonych słoŭ, u zamarozcy vajny i chutkich damoŭlenaściach z Rasijaj jość niebiaśpieka.
Taksama Zialenski adznačyŭ, što pakul u Trampa niama dostupu da ŭsioj nieabchodnaj infarmacyi pra vajnu, u pryvatnaści, da danych raźviedki, Pientahona i peŭnych dypłamatyčnych kanałaŭ. «Kali jon budzie tam (u Biełym domie), my zmožam havaryć na adnoj movie, z adnolkavym uzroŭniem infarmacyi», — skazaŭ ukrainski prezident.
Pry hetym Zialenski vykazaŭ nadzieju, što źmieny, jakija adbuducca ŭ ZŠA z prychodam Trampa da ŭłady, buduć na karyść Ukrainy.
«My budziem budavać adnosiny z novaj administracyjaj, heta budzie našym pryjarytetam. Złučanyja Štaty byli i zastajucca našym viadučym donaram u hetaj vajnie», — skazaŭ na zakančeńnie ŭkrainski prezident.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary