Rasijskija ŚMI i telehram-kanały paviedamlajuć, što hetymi dniami ŭ roznych rehijonach krainy prakaciłasia chvala padpałaŭ bankamataŭ i palicejskich mašyn.
Cełaja sieryja vybuchaŭ i padpałaŭ bankamataŭ zafiksavanaja ŭ Maskvie.
Na bulvary Jana Rajnisa mužčyna pryvioŭ u dziejańnie nieviadomaje prystasavańnie ŭ adździaleńni banka, paviedamili ŭ TASS. Miarkujučy pa fota, apublikavanych u telehram-kanałach, heta byŭ fiejervierk. Paciarpiełych niama, padazravany zatrymany, jaho matyvy vyśviatlajucca.
U hety ž dzień na Karovinskaj šašy nieviadomy raźliŭ haručuju sumieś u adździaleńni banka, a raniej žančyna padpaliła bankamat na Klaźminskaj vulicy.
U Krasnajarsku dziaŭčyna pry dapamozie haručaj sumiesi padpaliła bankamat u nienazvanym kamiercyjnym banku, atrymała apiok ruk i była špitalizavanaja.
Za niekalki dzion da hetaha 19-hadovy student zładziŭ vybuch u adździaleńni banka ŭ padmaskoŭnym Žaleznadarožnym.
Telehram-kanał Baza piša pra šerah padpałaŭ aŭtamabilaŭ.
U Maskvie palicejskaje aŭto hareła ŭ rajonie Butava. Miarkujučy pa videa, padpalščyka zmahli zatrymać na miescy. Pakul chłopca zakoŭvali ŭ kajdanki, vidavočcy dapamahali tušyć mašynu śnieham.
Aŭto z Sankt-Pieciarburha pašancavała mienš: u jaho vyhareła ŭsio pad kapotam. Pa padazreńni ŭ padpale zatrymanaja niepaŭnaletniaja dziaŭčyna.
U Ćviary padpalili palicejskuju «Hazel», zaniesienuju śnieham i pryparkavanuju la Zavołžskaha RAUS na bulvary Šmita. Chłopiec padyšoŭ da mašyny ź lohkaŭzharalnaj vadkaściu, abliŭ i padpaliŭ. Pažar jon zdymaŭ na kamieru.
Taksama žychar Sankt-Pieciarburha kinuŭ kaktejl Mołatava ŭ budynak vajenkamata Leninhradskaj vobłaści na nabiarežnaj Fantanki.
Jašče adna sieryja padpałaŭ adbyłasia na hetyja vychadnyja ŭ Vialikim Kamieni (Prymorje). Mužčyna za paŭhadziny pasprabavaŭ padpalić bank, budynak administracyi i mašynu MNS.
Blizkija da rasijskich siłavikoŭ kanały śćviardžajuć, što padpalščyki nibyta dziejničajuć pa ŭkazcy machlaroŭ, jakija pradstaŭlajucca supracoŭnikami pravaachoŭnych orhanaŭ. Mienavita jany nibyta takim čynam pierakonvajuć ludziej udzielničać u «sakretnaj apieracyi suprać machlaroŭ».
Ciapier čytajuć
Kamientary
Maskva zhareła ŭsia ŭščent !
Davajcie, ludzi, pačynajma!
Nablizim hetaki mament!