Свет77

У Расіі масава падпальваюць банкаматы і паліцэйскія машыны

Расійскія СМІ і тэлеграм-каналы паведамляюць, што гэтымі днямі ў розных рэгіёнах краіны пракацілася хваля падпалаў банкаматаў і паліцэйскіх машын. 

Цэлая серыя выбухаў і падпалаў банкаматаў зафіксаваная ў Маскве.

На бульвары Яна Райніса мужчына прывёў у дзеянне невядомае прыстасаванне ў аддзяленні банка, паведамілі ў ТАСС. Мяркуючы па фота, апублікаваных у тэлеграм-каналах, гэта быў феерверк. Пацярпелых няма, падазраваны затрыманы, яго матывы высвятляюцца.

У гэты ж дзень на Каровінскай шашы невядомы разліў гаручую сумесь у аддзяленні банка, а раней жанчына падпаліла банкамат на Клязьмінскай вуліцы.

У Краснаярску дзяўчына пры дапамозе гаручай сумесі падпаліла банкамат у неназваным камерцыйным банку, атрымала апёк рук і была шпіталізаваная.

За некалькі дзён да гэтага 19-гадовы студэнт зладзіў выбух у аддзяленні банка ў падмаскоўным Жалезнадарожным.

Тэлеграм-канал Baza піша пра шэраг падпалаў аўтамабіляў.

У Маскве паліцэйскае аўто гарэла ў раёне Бутава. Мяркуючы па відэа, падпальшчыка змаглі затрымаць на месцы. Пакуль хлопца закоўвалі ў кайданкі, відавочцы дапамагалі тушыць машыну снегам.

Аўто з Санкт-Пецярбурга пашанцавала менш: у яго выгарэла ўсё пад капотам. Па падазрэнні ў падпале затрыманая непаўналетняя дзяўчына.

У Цвяры падпалілі паліцэйскую «Газэль», занесеную снегам і прыпаркаваную ля Заволжскага РАУС на бульвары Шміта. Хлопец падышоў да машыны з лёгкаўзгаральнай вадкасцю, абліў і падпаліў. Пажар ён здымаў на камеру.

Таксама жыхар Санкт-Пецярбурга кінуў кактэйль Молатава ў будынак ваенкамата Ленінградскай вобласці на набярэжнай Фантанкі.

Яшчэ адна серыя падпалаў адбылася на гэтыя выхадныя ў Вялікім Камені (Прымор'е). Мужчына за паўгадзіны паспрабаваў падпаліць банк, будынак адміністрацыі і машыну МНС.

Блізкія да расійскіх сілавікоў каналы сцвярджаюць, што падпальшчыкі нібыта дзейнічаюць па ўказцы махляроў, якія прадстаўляюцца супрацоўнікамі праваахоўных органаў. Менавіта яны нібыта такім чынам пераконваюць людзей удзельнічаць у «сакрэтнай аперацыі супраць махляроў».

Каментары7

  • Поколение Пи
    20.12.2024
    Это реклама Сбера.
  • Запалка
    20.12.2024
    Учора бачыў сон я файны:
    Масква згарэла ўся ўшчэнт !
    Давайце, людзі, пачынайма!
    Наблізім гэтакі мамэнт!
  • Этнический русский
    21.12.2024
    Работайте братья

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою6

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

У Мінску пачалі будаваць аўтадарогу з Калодзішчаў у Калодзішчы

У Нацбанку растлумачылі прычыны тэхнічнага збою, які адбыўся з карткамі4

Не думайце, што гэта капейкі!4

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою6

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць