«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
Prezident Uładzimir Zialenski paviedamiŭ, što rasijanie padčas masiravanaha napadu pa enierhietycy Ukrainy na Kalady vypuścili bolš za 70 rakiet i bolš za sotniu ŭdarnych dronaŭ.
«Pucin śviadoma abraŭ Kalady dla napadu. Što moža być bolš biesčałaviečnym? Bolš za 70 rakiet, siarod jakich balistyčnyja, i bolš za sotniu ŭdarnych dronaŭ. Celi — naša enierhietyka. Jany praciahvajuć zmahacca za błekaŭt va Ukrainie.
Pavodle papiarednich źviestak, našym abaroncam udałosia źbić bolš jak 50 rakiet i značnuju častku dronaŭ. Na žal, jość traplańni. Pa stanie na ciapier u niekalkich rehijonach jość adklučeńni. Enierhietyki pracujuć, kab jak maha chutčej adnavić padaču śviatła», — napisaŭ Zialenski.
Ministr enierhietyki Hierman Hałuščanka paviedamiŭ, što rasijanie padčas ataki 25 studzienia ŭdaryli pa ciepłaelektrastancyjach, u vyniku čaho było surjozna paškodžana abstalavańnie CES.
Mer Charkava Ihar Cierachaŭ paviedamiŭ, što horad atakujuć balistyčnymi rakietami. U Sałtoŭskim rajonie paciarpieli try čałavieki, dvoje ź ich u ciažkim stanie.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary