Prafiesara Kijeŭskaha ŭniviersiteta zvalniajuć za abraźlivyja słovy pra «hałodnych ukrainak» i jeŭrapiejskich «mužykoŭ z hrašyma»
Vykładčyk Kijeŭskaha nacyjanalnaha ŭniviersiteta imia Tarasa Šaŭčenki Mikita Vasilenka niadaŭna dapuściŭ skandalnaje publičnaje vykazvańnie, jakoje kvalifikavali jak nieetyčnaje i abraźlivaje. Heta budzie kaštavać jamu miesca pracy, paviedamlaje «Suśpilnie».
23 śniežnia pa sacsietkach stała šyrycca videa, u jakim prafiesar Kijeŭskaha nacyjanalnaha ŭniviersiteta imia Tarasa Šaŭčenki Mikita Vasilenka vykazvaŭsia pra «zamiežnych miratvorcaŭ», jakija nibyta dapamohuć palepšyć demahrafičnuju situacyju va Ukrainie. Prafiesar zajaviŭ pra heta ŭ efiry jutub-kanale Alaksandra Šelesta, eks-viadučaha zabaronienaha prarasijskaha kanała Newsone.
«Vy ŭjaŭlajecie, jak heta vyrašyć demahrafičnuju prablemu. Prynamsi sorak tysiač mužykoŭ, z hrašyma, hałodnych da žančyn, jakija nie prajšli vyprabavańni frontam, a vychavanych na dobrych jeŭrapiejskich charčach. I sotni tysiač hałodnych ukrainak, jakija nie paśpieli vyjechać z tych ci inšych pryčyn, mužčyny jakich albo na vajnie ŭžo zabityja, albo pakalečanyja», — skazaŭ Vasilenka.
Jahonyja słovy vyklikali masavaje abureńnie, tym bolš što niečym padobnym prafiesar adznačaŭsia ŭžo nie ŭpieršyniu.
Siarod inšych na situacyju źviarnuŭ uvahu ŭpaŭnavažany Viarchoŭnaj Rady Ukrainy pa pravach čałavieka Dźmitryj Łubiniec, jaki napisaŭ adpaviednyja listy z prośbaj adreahavać u ministerstva aśviety i navuki, Kijeŭski ŭniviersitet i Słužbu biaśpieki Ukrainy.
Zvaroty dali chutki plon. Vučonaja rada Instytuta žurnalistyki Kijeŭskaha ŭniviersiteta, na jakim pracavaŭ Vasilenka, prahałasavała za jaho zvalnieńnie, a rektar univiersiteta Uładzimir Buhroŭ padpisaŭ daručeńnie rychtavać dakumienty na zvalnieńnie vykładčyka. Zvolnić prafiesara pavinny ŭžo da kanca hetaha hoda.
Mikita Vasilenka — doktar fiłałohii, kandydat fiłasofskich navuk. U Instytucie žurnalistyki KNU imia Šaŭčenki jon čytaŭ kurs pra žurnalisckija rasśledavańni. Jahonaja dačka Sonia Koškina — hałoŭnaja redaktarka vydańnia «Levy bierah».
U svoj čas Vasilenka byŭ siabram palitrady palityčnaj partyi «Sajuz levych sił», jakuju ŭ 2022 hodzie zabaranili jak prarasijskuju. Da poŭnamaštabnaha ŭvarvańnia Rasii va Ukrainu jon byŭ častym hościem i zaprošanym «ekśpiertam» ukrainskich prarasijskich kanałaŭ, jakija kantralavali Viktar Miedviadčuk i Jaŭhien Murajeŭ, a paśla ich zabarony pačaŭ vystupać na jutub-kanałach, stvoranych tymi ž miedyjščykami.
U lutym hetaha hoda studenty Instytuta žurnalistyki KNU imia Šaŭčenki ŭžo patrabavali zvolnić vykładčyka Mikitu Vasilenku, abvinavačvajučy jaho ŭ prasoŭvańni seksisckich i prarasijskich naratyvaŭ. Vykładčyku tady vynieśli vymovu, ale pakinuli na pasadzie.
Navošta Łukašenku «prezidencki bal» — takaja demanstratyŭnaja i krychu archaičnaja, seksisckaja pa formie tradycyja?
Harbunova pra seksistaŭ u apazicyi i pytańnie da Kačanavaj
U vojsku Izraila patłumačyli seksizmam pravał u adbićci ataki CHAMAS: nazirańni za Paleścinaj u Izraili viaduć žančyny
Premjerka Italii rasstałasia z partnioram. Jaho krytykavali za seksisckija kamientary, i jon prapanoŭvaŭ žurnalistam zaniacca hrupavym seksam
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary