«Minimum 30 rubloŭ, a maksimum bajusia ŭjavić». Jakimi buduć ceny na taksi ŭ navahodniuju noč
Ceny na taksi ŭ navahodniuju noč laciać u kosmas kožny hod. Ale hetym razam usio moža być jašče bolš surjozna.
Štohod u navahodnija śviaty košt taksi značna pavyšajecca. Heta źviazana z tym, što mnohija kiroŭcy taksama chočuć adznačyć Novy hod i žadajuć nie siadać za rul. U toj ža čas kolkaść ludziej, jakija žadajuć vybracca z domu i skarystacca pasłuhami taksi, značna pavialičvajecca.
Kiroŭca, jaki pracuje z «Jandeks-Taksi», raspavioŭ, što ciapier na liniju vychodzić mała mašyn, ale popyt na ich amal zaŭsiody vysoki. U suviazi z hetym ceny zastajucca vysokimi.
Na jaho dumku, bližej da Novaha hoda i ŭ samu navahodniuju noč košt pajezdak vyraście jašče bolš, piša «Sputnik».
«Z taho, što adbyvajecca ciapier, ja razumieju, što pajezdki buduć kaštavać minimum ad 30 rubloŭ. Maksimalnyja ja navat bajusia ŭjavić. Mašyn sapraŭdy vielmi mała. Tamu, dumaju, ceny buduć kaśmičnyja», — vykazaŭ zdahadku kiroŭca.
Samy pik popytu ŭ navahodniuju noč, pavodle jaho słoŭ, prypadaje na čas z 00:30 da 1:20 — hetyja 50 chvilin zaŭsiody charaktaryzujucca ažyjatažam. Potym nadychodzić peŭnaje zacišša, a ŭžo z 5:00 da 7:00 ranicy znoŭ pačynajecca aktyŭny čas.
U słužbie taksi «Stalica 135» adznačyli, što na Novy hod kančatkovy košt pajezdki budzie zaležać ad nadvorja, popytu i kolkaści mašyn. Pry hetym jany taksama paćvierdzili, što kolkaść pasažyraŭ u horadzie pastupova pavialičvajecca, a kolkaść taksi trochi źmienšyłasia.
«Tyja ludzi, jakija nie zachacieli vykonvać rejestr, nie vielmi šmatlikija, ale ŭsio roŭna mašyn stała mienš u paraŭnańni z papiarednimi hadami», — raspavioŭ zasnavalnik i dyrektar słužby taksi «Stalica 135» Aleh Radkievič.
Što datyčycca času pavyšanaha popytu, to «da pałovy dvanaccataj budzie vielmi aktyŭny ruch, bo ŭsie jeduć śviatkavać». Zatym na hadzinu nastupić spad, pakolki biełarusy i hości krainy buduć za śviatočnymi stałami. U 00:30 aktyŭnaść adnovicca, bo ludzi adznačyli śviata i zachočuć praciahu.
Dyrektar słužby taksi taksama paraiŭ zahadzia vyklikać taksi, uličvajučy, što mašynu, mahčyma, daviadziecca čakać doŭha.
«Rekamienduju ŭsim, chto choča kudyści pajechać u navahodniuju noč, pakinuć sabie zapas času i zahadzia vyklikać taksi. Treba razumieć, što nie budzie tak, što ja vyklikaŭ i praź niekalki chvilin jano pryjechała. Heta ŭsio ž taki Novy hod. A lepš śviatkujcie tam, dzie nie treba nikudy jechać», — padsumavaŭ Radkievič.
Kamientary