Ukrainskaha deputata, jakoha vinavaciać u dziaržaŭnaj zdradzie, buduć vazić ź SIZA na pasiadžeńni Viarchoŭnaj Rady
A ŭ kamiery pavinny zabiaśpiečyć jaho kampjutaram, kab moh składać zakonaprajekty, piša «Dzierkało tidžnia» sa spasyłkaj na narodnaha deputata Alaksieja Hančarenku.
Deputata Viarchoŭnaj Rady Ukrainy Niestara Šufryča, jaki ŭ 2019 hodzie abraŭsia ŭ parłamient ad prarasijskaj Apazicyjnaj płatformy «Za žyćcio», ciapier padazrajuć u dziaržaŭnaj zdradzie i trymajuć pad vartaj.
Ale farmalna mandata jon nie pazbaŭleny, i Šaŭčenkaŭski rajonny sud pastanaviŭ, što
Šufryča pavinny nie tolki vazić na pasiadžeńni Rady, ale i «stvaryć jamu ŭmovy dla paŭnavartasnaj pracy», heta značyć, zabiaśpiečyć u kamiery kampjutaram, jaki padklučany da sistemy elektronnaha dakumientazvarotu, kab mahčy praź jaho padavać zakonaprajekty i papraŭki.
Niestar Šufryč byŭ zatrymany 15 vieraśnia minułaha hoda. Pa viersii śledstva, jon dziela vykanańnia dadzienych jamu zadańniaŭ vystupaŭ na telekanałach Ukrainy i Rasii z metaj raspaŭsiudžvańnia rasijskaj prapahandy i prasoŭvańnia antyŭkrainskaj palityki.
Prykładam Šufryča natchniŭsia inšy deputat, jaki znachodzicca pad vartaj pa abvinavačańni ŭ dziaržaŭnaj zdradzie, Alaksandr Dubinski. Jon užo paabiacaŭ damahacca taho ž samaha na najbližejšym pasiadžeńni suda.
«Ja dumaŭ, što ruskija chutka pieramohuć, ale vyjšła, jak zaŭsiody». Spoviedź idejnaha rasijskaha špijona, jaki atrymaŭ va Ukrainie pažyćciovaje
Zialenski pazbaviŭ zvańnia zasłužanaj artystki śpiavačku, ź jakoj śpiavaŭ Łukašenka
Ukrainskamu deputatu Šaŭčenku, jaki padtrymlivaŭ suviazi z Łukašenkam, vystavili abvinavačańnie ŭ dziaržaŭnaj zdradzie
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary