Украінскага дэпутата, якога вінавацяць у дзяржаўнай здрадзе, будуць вазіць з СІЗА на пасяджэнні Вярхоўнай Рады
А ў камеры павінны забяспечыць яго камп'ютарам, каб мог складаць законапраекты, піша «Дзеркало тиджня» са спасылкай на народнага дэпутата Аляксея Ганчарэнку.
Дэпутата Вярхоўнай Рады Украіны Нестара Шуфрыча, які ў 2019 годзе абраўся ў парламент ад прарасійскай Апазіцыйнай платформы «За жыццё», цяпер падазраюць у дзяржаўнай здрадзе і трымаюць пад вартай.
Але фармальна мандата ён не пазбаўлены, і Шаўчэнкаўскі раённы суд пастанавіў, што
Шуфрыча павінны не толькі вазіць на пасяджэнні Рады, але і «стварыць яму ўмовы для паўнавартаснай працы», гэта значыць, забяспечыць у камеры камп'ютарам, які падключаны да сістэмы электроннага дакументазвароту, каб магчы праз яго падаваць законапраекты і папраўкі.
Нестар Шуфрыч быў затрыманы 15 верасня мінулага года. Па версіі следства, ён дзеля выканання дадзеных яму заданняў выступаў на тэлеканалах Украіны і Расіі з мэтай распаўсюджвання расійскай прапаганды і прасоўвання антыўкраінскай палітыкі.
Прыкладам Шуфрыча натхніўся іншы дэпутат, які знаходзіцца пад вартай па абвінавачанні ў дзяржаўнай здрадзе, Аляксандр Дубінскі. Ён ужо паабяцаў дамагацца таго ж самага на найбліжэйшым пасяджэнні суда.
«Я думаў, што рускія хутка перамогуць, але выйшла, як заўсёды». Споведзь ідэйнага расійскага шпіёна, які атрымаў ва Украіне пажыццёвае
Зяленскі пазбавіў звання заслужанай артысткі спявачку, з якой спяваў Лукашэнка
Украінскаму дэпутату Шаўчэнку, які падтрымліваў сувязі з Лукашэнкам, выставілі абвінавачанне ў дзяржаўнай здрадзе
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары