Jany praciahnuli abmierkavańnie pytańniaŭ, źviazanych z krušeńniem samalota kampanii Azerbaijan Airlines.
Pra heta paviedamiŭ pres-sakratar Kramla Dźmitryj Piaskoŭ, pieradaje TASS.
«Pucin i Alijeŭ siońnia ŭ telefonnaj razmovie pradoŭžyli abmierkavańnie roznych pytańniaŭ, źviazanych z avijakatastrofaj samalota «Azierbajdžanskich avijalinij», — skazaŭ jon.
Nahadajem, Pucin i Alijeŭ taksama stelefanoŭvalisia napiaredadni. Razmova adbyłasia pa inicyjatyvie rasijskaha boku. Pucin paprasiŭ prabačeńnia ŭ tym, što «trahičny incydent adbyŭsia ŭ pavietranaj prastory Rasii».
Samalot AZAL, jaki vykonvaŭ rejs Baku — Hrozny, paciarpieŭ katastrofu 25 śniežnia. AZAL nazvała pryčynaj katastrofy samalota «fizičnaje i techničnaje źniešniaje ŭździejańnie». Ilcham Alijeŭ zajaviŭ, što pasažyrski samalot Azerbaijan Airlines «Baku — Hrozny», jaki raźbiŭsia, byŭ vyviedzieny z-pad kantrolu srodkami radyjoelektronnaj baraćby i atrymaŭ paškodžańni «ŭ vyniku abstrełu ź ziamli». Jon taksama abvinavaciŭ rasijski bok, što jon «sprabavaŭ zamiać» incydent.
Jon zaznačyŭ, što patrabavańni rasijskamu boku byli vykładzieny 27 śniežnia.
«Pa-pieršaje, rasijski bok pavinien paprasić prabačeńnia ŭ Azierbajdžana. Pa-druhoje, jon pavinien pryznać svaju vinu. Pa-treciaje, jano pavinna pakarać vinavatych, pryciahnuć ich da kryminalnaj adkaznaści i vypłacić kampiensacyju dziaržavie Azierbajdžanu i paciarpiełym pasažyram i členam ekipaža. Heta našy ŭmovy. Pieršaja ź ich była vykanana ŭčora. Spadziajusia, što i inšyja našy ŭmovy buduć pryniatyja», — zajaviŭ jon.
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary