Tryumf Łatvii: animacyjny film pra kata vyjaviŭsia lepšym navat za mulcik ad Pixar, samy kasavy ŭ historyi
Prykład taho, što i nievialikaja kinaindustryja moža hučna zajavić pra siabie.
Animacyjny film łatyšskaha režysiora Hintsa Ziłbałodzisa «Płyń» (Flow) sioleta atrymaŭ «Załaty hłobus».
Navat bieź vialikich biudžetaŭ film abahnaŭ piać inšych kankurentaŭ, uklučajučy «Hałavałomku 2» ad Pixar, jakaja stała samym prybytkovym animacyjnym filmam usich časoŭ, piša LRT.
«Hety film byŭ źniaty vielmi maleńkaj, maładoj, ale zachoplenaj kamandaj u miescy, dzie niama vialikaj kinaindustryi, — skazaŭ režysior. — Heta pieršy raz, kali tut pakazvajuć film z Łatvii, tamu dla nas heta vielmi važna».
«Płyń» raskazvaje historyju kata, čyj samotny ład žyćcia źmianiajecca, kali jaho dom razburaje mocnaja pavodka. Kab vyžyć, kot pavinien navučycca pieraadolvać strach pierad vadoj i ładzić z roznymi žyviołami.
«Dla mianie heta vielmi asabistaja historyja, tamu što raniej ja pracavaŭ adzin, — skazaŭ Ziłbałodzis. — Ja zdymaŭ usie filmy sam, ale na hety raz ja pracavaŭ z kamandaj, i, jak katu ŭ «Płyni», mnie treba było navučycca daviarać inšym, supracoŭničać, pieraadolvać adroźnieńni, i ja dumaju, što ŭ našy dni, jak nikoli raniej, vielmi važna pamiatać pra heta».
U hetaj katehoryi («najlepšy animacyjny film») byli naminavanyja jašče piać filmaŭ: «Hałavałomka 2», «Miemuary smaŭža», «Maana 2», «Uoles i Hromit: samaja žorstkaja pomsta» i «Dziki robat».
U pačatku śniežnia «Płyń» atrymała premiju Jeŭrapiejskaj kinaakademii ŭ katehoryi «najlepšy animacyjny film».
Ciapier čytajuć
«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady28
Kamientary
pejse. voś kudy pajšli, Red., tyja 2000 jeŭrie, jakija nie dajšli da vas