Mova99

Na Smalenščynie jašče žyvie biełaruskaje słova

Praviedzienaja ŭ žniŭni Instytutam movaznaŭstva imia Jakuba Kołasa NAN Biełarusi dyjalektałahičnaja ekśpiedycyja na sučasnaje biełaruska-rasijskaje pamiežža zafiksavała na Smalenščynie vialikuju kolkaść biełarusizmaŭ.

Žychary Rudnianskaha rajona Smalenskaj vobłaści ŭ narodnych strojach. Ilustracyjnaje fota. Krynica: vitprav.by

Pra vyniki žnivieńskaj ekśpiedycyi ŭ vioski Rudnianskaha rajona Smalenskaj vobłaści Rasii raskazała haziecie «Navuka» pradstaŭnica Instytuta movaznaŭstva Vieranika Kurcova, zaŭvažyŭ telehram-kanał «De facto. Biełaruskaja navuka».

Ekśpiedycyja, jakaja prajšła 4—8 žniŭnia, abjadnała biełaruskich i rasijskich vučonych: razam jany naviedali vioski Rudnianskaha i Loźnienskaha rajonaŭ, zapisali havorku miascovych doŭhažycharoŭ i ŭspaminy pra tradycyjny ład žyćcia.

Pavodle Kurcovaj, prysutnaść istotnaj kolkaści biełaruskich słoŭ u rudnianskich havorkach nievypadkovaja: hetuju terytoryju linhvisty tradycyjna adnosiać da moŭnaj prastory, jakoj byli ŭłaścivyja biełaruskija rysy.

Cikava, što i sami žychary padkreślivajuć: havorać jany hetak ža, jak i biełarusy pa susiedstvie. Adnak siońnia takoje maŭleńnie zachavałasia pieravažna siarod starejšaha pakaleńnia.

Asablivaje ŭražańnie na daśledčykaŭ zrabiła zahadčyca biblijateki ŭ vioscy Panizoŭje Taćciana Citova. Jana skłała «Słovaŕ dialektizmov Ponizovskoho kraja», druhoje vydańnie jakoha vyjšła ŭ 2025 hodzie. U im sabranyja słovy, dobra viadomyja žycharam nie tolki pamiežnych rajonaŭ Viciebščyny, ale i ŭsioj Biełarusi: nadiova (adzieńnie), kutionok (sabačania), narotnia (naročna), šúchli (pra słotnaje nadvorje).

Pavodle Kurcovaj, sabranyja materyjały buduć vykarystanyja ŭ navukovych publikacyjach i chrestamatyjnych vydańniach i stanuć kaštoŭnym kulturna-histaryčnym nabytkam.

Kamientary9

  • Udakładniaju
    28.08.2025
    Zahałovak zmanlivy. Treba: "iašče žyvie 10 biełaruskich słoŭ".
    Tam tryndziec u hetym sensie na samoj spravie, usio, kapiec.
  • Litvin
    28.08.2025
    Našaje słova žyvie až Biełastoku da Ćviary, ad Koŭna da Čarnihava. Ale dakładna kazać, dažyvaje, bo vy svaju movu zabili navat na Radzimie.
  • Žvir
    28.08.2025
    I na Branščynie biełaruskaje słova žyvie. Sam čuŭ, jak kabieta klikała niekaha "pyla-pyla-pyla". Dumaju, ci nie da mianie jana źviartajecca pa niešta. Spytaŭ. Adkazała, što kliča pylaniaty...

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada

Usie naviny →
Usie naviny

U Biełarusi zarehistravali novy vid ptušak2

Va Uruččy vysiekuć skvier pad pravasłaŭnuju carkvu. Natchnialisia rańniechryścijanskaj architekturaj Ryma22

Tramp admianiŭ sustreču z Pucinym u Budapiešcie1

ZŠA abviaścili pra sankcyi suprać «Rasnafty» i «Łukojła»8

Na vajnie z Ukrainaj zahinuŭ syn byłoha milicejskaha načalnika ź Viciebska23

ZŠA źniali klučavoje abmiežavańnie na ŭdary dalnabojnymi rakietami pa Rasii — WSJ5

Vybuch adbyŭsia na abaronnym zavodzie ŭ Čalabinskaj vobłaści. Jość achviary6

Jak Fiadynič adkryŭ aŭtobus Statkieviču na miažy i jak Viniarski taksama vyjšaŭ, kab zastacca ŭ Biełarusi. Novyja padrabiaznaści3

Hienieralny sakratar NATA padtrymaŭ ideju Trampa spynić vajnu va Ukrainie pa linii frontu

bolš čytanych navin
bolš łajkanych navin

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada

Hałoŭnaje
Usie naviny →

Zaŭvaha:

 

 

 

 

Zakryć Paviedamić