9 studzienia ZŠA abvieściać pra «značny» pakiet vajskovaj dapamohi Ukrainie. Apošni pry Bajdenie
Administracyja Džo Bajdena maje namier u čaćvier, 9 studzienia, abviaścić pra apošni svoj pakiet vajskovaj dapamohi Ukrainie. Pra heta stała viadoma ahienctvu Associated Press ad dvuch amierykanskich čynoŭnikaŭ.
Abviaščeńnie pakieta vajskovaj dapamohi ZŠA adbudziecca ŭ dzień pasiadžeńnia kantaktnaj hrupy pa pytańniach abarony Ukrainy, viadomaj jak farmat «Ramštajn». Krynicy AR nie nazvali dakładny abjom pakieta, ale skazali, što jon budzie «značnym».
U toj ža čas nie čakajecca, što ŭ hetym pakiecie buduć vykarystanyja ŭsie 4 miljardy dalaraŭ, jakija zastalisia ŭ Biełaha doma ŭ ramkach zaćvierdžanaha Kanhresam finansavańnia dla Ukrainy.
Čynoŭniki dadali, što, vierahodna, zastaniecca «bolš za dva miljardy dalaraŭ», jakimi zmoža rasparadzicca ŭžo novaja administracyja Donalda Trampa.
30 śniežnia ZŠA abjavili ab pakiecie abaronnaj dapamohi Ukrainie abjomam amal $2,5 młrd. Jon praduhledžvaŭ pieradaču Ukrainie zbroi i abstalavańnia z zapasaŭ Pientahona na sumu $1,25 młrd, a taksama raźmiaščeńnie zakazaŭ na novuju zbroju abjomam $1,22 młrd u ramkach Inicyjatyvy pa biaśpiecy dapamohi Ukrainie (USAI).
Usiaho z pačatku poŭnamaštabnaha ŭvarvańnia Rasii ŭ 2022 hodzie ahulny abjom vajskovaj dapamohi ZŠA Ukrainie składaje 66 miljardaŭ dalaraŭ.
Tramp pierajmianoŭvaje Mieksikanski zaliŭ, ćviorda namierany viarnuć Panamski kanał i «razumieje pačućci Rasii»
Śpiecpradstaŭnik Trampa adkłaŭ pajezdku ŭ Kijeŭ da jahonaj inaŭhuracyi
Zialenski raspavioŭ, jak damahaŭsia abarony ad padpisantaŭ Budapiešckaha miemarandumu. «Im było poch*ru na Ukrainu»
Blinkien acaniŭ dziejańni Bajdena va Ukrainie i raskazaŭ, što budzie z ukrainska-rasijskaj miažoj i jakija nieparazumieńni mieŭ ź Izrailem
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Eto kohda tratiat nie svoi dieńhi to vierahodna nievierahodna.