Hienprakuratura vydaliła sa spravazdačy słovy Švieda, što ŭsich užo vyjavili i pakarali
Na sajcie Hienieralnaj prakuratury źjaviłasia spravazdača pra siońniašniuju sustreču hienieralnaha prakurora Andreja Švieda sa studentami i vykładčykami BDUIR. Ale biez tych słoŭ, jakija raniej najbolš pryciahnuli ŭvahu.
«Andrej Švied padkreśliŭ, što na siońnia ŭsie, chto maje dačynieńnie da ekstremisckaj i terarystyčnaj dziejnaści, albo ŭžo asudžanyja, albo źjaŭlajucca fihurantami kryminalnych spraŭ, jakija buduć razhledžanyja sudami», — cytujecca vystup Švieda ŭ telehram-kanale Hienieralnaj prakuratury.
Kali čytać jahonyja słovy litaralna, to atrymlivajecca, što pa stanie na 15 studzienia 2025 hoda ŭłady ŭžo zaviali palityčnyja kryminalnyja spravy na ŭsich, kaho paličyli patrebnym pieraśledavać.
Ale, jak vyhladaje, litaralnaje čytańnie hetaha vykazvańnia jakraz pamyłkovaje. Prynamsi, sama prakuratura vidavočna nie choča, kab na im akcentavali ŭvahu, tamu ŭ vynikovuju spravazdaču zhadku pra jaho prosta nie ŭklučyła.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?
Hienprakuror Švied anansavaŭ novyja hučnyja kryminalnyja spravy pa karupcyi
«Pavinna stajać kali i nie ŭ pieršych, dyk u šerahach». Mukavozčyk zaklikaŭ tvorčuju intelihiencyju publična padtrymlivać represii
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary
Adspravazdačyŭsia, karaciej, što ŭsio zrabiŭ (na toj momant). Małajca. "Zapiś dieł".