Pažyćciovaje źniavoleńnie: u Varšavie abvieščany prysud za zhvałtavańnie i zabojstva biełaruski Lizy
Vinavatym u złačynstvie pryznali 23-hadovaha hramadzianina Polščy Daryjana S, piša Jeŭraradyjo.
Daryjan S. prysudžany da pažyćciovaha źniavoleńnia. Chłopcu Lizy Hiercen Daniiłu abvinavačany pavinien spłacić 200 tysiač złotych maralnaj kampiensacyi (48 tysiač dalaraŭ).
Trahiedyja adbyłasia letaś 25 lutaha ŭ centry Varšavy. Biełarusku Lizu znajšli raspranutaj i ŭ nieprytomnym stanie. Niekalki dzion miedyki zmahalisia za žyćcio dziaŭčyny, ale 1 sakavika jana pamierła, nie prychodziačy ŭ prytomnaść.
Vuličnaja videakamiera zafiksavała, jak mužčyna ŭ bałakłavie napaŭ zzadu na dziaŭčynu, prystaviŭ nož da šyi i pchnuŭ u padvarotniu. Nož i inšyja dokazy palicyja vyjaviła padčas zatrymańnia Daryjana S.
Vypadak spravakavaŭ chvalu abureńnia ŭ sacsietkach i publičnych spoviedziaŭ pad chešteham #ChopićHvałcić, a ŭ Varšavie prajšoŭ mitynh suprać hvałtu «Jaje zvali Liza».
Kamientary