U homielskaj žurnalistki, jakaja vypuściła film pra 1930-ja, aryštavali dom
Žurnalistcy i režysiorcy Maryi Bułavinskaj stała viadoma, što jaje majomaść — siadzibny dom u vioscy Rohi-Ilecki, aryštavanaja. Pryčyna aryštu nieruchomaści Maryi nieviadomaja, piša «Fłaštok».
«Aryšt adbyŭsia pavodle pastanovy Śledčaha kamiteta. Nijakaj pryčyny ci kryminalnaha artykuła, z-za jakoha aryštavali majomaść, mnie nie paviedamili», — havoryć Maryja.
Viaskovy dom Maryja nabyła ŭ 2019 hodzie i chacieła jaho adrestaŭravać.
«Ja historyk. Hety dom nie kaštuje niejkich vialikich hrošaj (choć dla mianie heta adnosna vialikija hrošy). Ale ja doŭha padbirała budynak, kab jon mieŭ charakternyja histaryčnyja rysy dla našaha rehijona. Ja maryła adrestaŭravać dom i navat žyć tam. Ale paśpieła pravieści tolki padrychtoŭčyja pracy».
Maryja Bułavinskaja — adna z tych, chto stvaraŭ resurs flagshtok.info. Taksama žurnalistka źjaŭlajecca aŭtaram šerahu rezanansnych rasśledavańniaŭ. Uletku 2024 hoda ŭ Maryi vyjšaŭ film, u jakim vykryvajucca dziejańni homielskich uładaŭ, źviazanyja z aficyjnymi raskopkami ŭ Navabielickim lesie. Film pryśviečany stalinskim represijam.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary