Raŭšan Askieraŭ vykazvaŭsia suprać vajny, u Rasii jaho padazrajuć pa artykule ab «reabilitacyi nacyzmu».
Viadomy ŭ minułym hulec u «Što? Dzie? Kali?», žurnalist Raŭšan Askieraŭ uniesieny ŭ rasijski rejestr «terarystaŭ i ekstremistaŭ». U śpisie jość paznaka, što na Askierava zaviali kryminalnuju spravu pa terarystyčnym abo ekstremisckim artykule. Jahonyja bankaŭskija rachunki ŭ Rasii buduć zamarožanyja.
Askieraŭ doŭhi čas byŭ adnym ź jarkich i paznavalnych hulcoŭ rasijskaha telekłuba «Što? Dzie? Kali?». U krasaviku 2022 hoda ŭ dačynieńni da Askierava raspačali kryminalnuju spravu ab reabilitacyi nacyzmu. Usiamu vinoj staŭ jahony post u sacsietkach, u jakim žurnalist, spasyłajučysia na dakumienty, nazvaŭ maršała Hieorhija Žukava «maradzioram sa stažam i złodziejem, jaki vyvoziŭ z Hiermanii trafiejnuju majomaść dla asabistaha karystańnia».
Askierava abviaścili ŭ vyšuk i zavočna aryštavali, a zatym unieśli ŭ rejestr zamiežnych ahientaŭ. Sam były znatok źjechaŭ na radzimu, u Azierbajdžan, i zajaviŭ, što viartacca ŭ Rasiju nie płanuje. Askieraŭ taksama vykazvaŭsia suprać rasijskaha ŭvarvańnia va Ukrainu.
Taksama ŭ rejestr terarystaŭ i ekstremistaŭ unieśli palityka Leanida Hozmana. U 2024 hodzie jaho zavočna asudzili na vosiem hadoŭ i šeść miesiacaŭ turmy pavodle artykuła ab «fejki pra armiju», jaki nie źjaŭlajecca «terarystyčnym» abo «ekstremisckim».
Rasijski Śledčy kamitet pačaŭ pravierku vykazvańniaŭ byłoha hulca «Što? Dzie? Kali?»
Znataka Illu Novikava zavočna asudzili ŭ Rasii na vosiem z pałovaj hadoŭ
Suprać advakata i byłoha znataka Illi Novikava ŭ Rasii zaviali spravu ab dziaržzdradzie
Advakat, były znatok «Što? Dzie? Kali?» Illa Novikaŭ: «Ja bolš nie rasijski juryst. Ja ŭkrainiec»
Raźviedka ZŠA: Biełaruś stała pieradavym vajskovym płacdarmam Rasii24
Kamientary